● سألني أحد الزملاء الأعزاء سؤال في غاية الأهمية وانا استأذنته ووافق أن أنشر نص السؤال لأنه كلام يدور في أذهان البعض ولتكون الإجابة مفيدة للجميع بإذن الله تعالى
● السلام عليكم ازيك يا دكترة صباح الخير معاك زميلك (...........) بدون مقدمات كتيرة ادوية التخسيس اللي موجودة في الصيدلية انا مش بثق فيها خالص ومعنديش قناعة بيها وبحس لما ببيعها اني بنصب علي الزبون وبيعات كتير بتبوظ بسبب اني مش مقتنع بيها يا تري يا دكتور حبوب التخسيس دي مفيده فعلا ولا كلام فاضي ياريت لو الاقي عند حضرتك اجابة واسف علي الازعاج
***** اﻹجابة *****
دكتورنا الكريم
لاشك أن كثير من الأدوية موجودة عندنا في الصيدلية وكل منتج منهم له مميزاته وعيوبه
ومينفعش نقول عليها كلها مش كويسة على الإطلاق ولا كلها كويسة على الإطلاق الموضوع بالنسبة للإستجابة لأدوية التخسيس والأدوية عموما individual variations بجانب عوامل أخرى كثيرة ولعلك لاحظت ذلك فتجد كثير من العملاء يكرر المنتج مرة والثانية ويشكر فيه بشدة وآخر يقول انه لم يفد معه ولم يتحسن عليه
*** لذلك ***
في موضوع التخسيس خصوصا لابد من التحدث كثيرا مع العميل وتثبيت بعض النقاط عنده التي لابد أن يكون مدركها جيدا.
1. أي دواء لتقليل الوزن ماهو إلا عامل مساعد في منظومة تقليل الوزن ولابد من التنبيه على كلمة " عامل مساعد" بالأخص يعني لوحده مش هيعمل حاجة ولا هيوصل للمطلوب.
2. لابد أن تشرح للعميل " مثلث التخسيس" اللي في الصورة ده
يعني لازم يتبع نظام غذائي ويمارس رياضة بجانب العلاج
مينفعش العميل يفضل يأكل زي ماهو عاوز ويفضل قاعد في البيت مش بيتحرك ويرجع يقول العلاج مجابش فائدة.
3. لابد من إصرار وإرادة قوية من الشخص على تنزيل وزنه إنما اللي واخد العلاج وبيقول " خلينا نجرب" اعرف أنه هيرجع لك يقول العلاج مش مفيد بالمرة.
4. لابد أن توضح للعميل أن نزول الوزن بيكون كتير في أول عدة أسابيع بعد كده بيكون النزول بطئ وساعات بطئ جدا كمان علشان مش لما يكرر العلاج يقول ده كان بيجيب فائدة ودلوقتي معدش بيعمل حاجة.
5. مفيش حاجة اسمها المنتج ده بينزل 10 كيلو في الشهر وده بينزل 5 كيلو في الشهر وده بينزل 3 كيلو في الشهر
الكلام ده غير صحيح والموضوع زي ماقلنا individual variations وبيعتمد على مدى إصرار الشخص والتزامه بمثلث التخسيس اللي قلنا عليه وحتى داخل مثلث التخسيس نفسه بيعتمد على إيه النظام الغذائي اللي الشخص بيتبعه وقد إيه رياضة بيمارس كل أسبوع وهي سبب زيادة الوزن عنده أصلا وعوامل كتير
الهدف من الكلام أنه لايوجد رقم ثابت ولايوجد دواء غير فعال بالمرة
أتمنى تكون الإجابة مفيدة للجميع
بالتوفيق
لمتابعة الصفحة الرسمية على الفيس بوك
طيب يا دكتور ايه النصايح بالنسبه للنظام الغذائي (نصايح محدده وعمليه يقدر المريض يعملها)
ردحذف