من يوم ماخلصت الكلية مذاكرتش حاجة
عاوز أذاكر بس مش عارف أبدأ منين
انا باقرأ فارما وبرضه مملة مش عارف أكمل فيها وحاسس ملهاش دعوة باللي بنشوفه في الصيدلية
و.....و......و....... كثير جدا من الأسئلة كل منها يسأل نفسه
تعالوا نشوف نعمل ايه في عدة نقاط بسيطة
1. لازم نكون عارفين ان القراءة في مجالنا دي مش رفاهية ولكن واجب علينا
فعلا واجب حقيقي مينفعش العالم بيتكلم عن استنشاق الأنسولين واحنا واقفين على معلومات الكلية اللي هي من عشرات السنين
2. لازم تكون حقيقي ناوي وعارف أهمية الأمر وعاوز فعلا تطور من نفسك
3. الموضوع أبسط مايكون .... لو كل يوم قرأت أو سمعت 15 دقيقة فقط بعد شهر هتلاقي نفسك فرقت كتيييير
4. بعد فترة الموضوع هيتحول معاك لإدمان (بمعنى الكلمة) هتلاقي نفسك فعلا ادمنت التعلم
5. التطبيق ثم التطبيق ثم التطبيق اللي تقرأه طبقه فورا
5. إقرأ في مجالك بلاش تقرأ في حاجة مش موجودة (إلا لو كنت بتدرس منهج معين) يعني مش نكون واقفين في الصيدلية وبيدخل لنا حالات أنفلونزا وكحة ونسيبها ونقرأ arrhythmia أو myocardial infarction
مش بقول أنها مش مهمة لكن ابدا تدريجي واحدة واحدة هتلاقي نفسك بتقرا فيها وبتعمق كمان
6. بلاش تبدأ بالكتب الكبيرة علشان لاتمل ابدا بكتاب بسيط وشوية شوية هتلاقي نفسك بتقرا أكبر مرجع ( وان كان الكتب بقت قديمة دلوقتي والاعتماد على المواقع ولكن دي هنتكلم عنها بعدين ... خليك واحدة واحدة)
7. ابدأ بالقراءة الكلينيكال أو بمعنى أصح التطبيقية بمعنى بلاش تفتح كتاب الفارما وتقرأ ال Antihistamines ولكن افتح كتاب ال clinical واقرأ ال allergy وانت بتقرا هتلاقي نفسك محتاج توسع شوية عن ال Antihistamines ساعتها هترجع لكتاب الفارما
======
الكتب كتير والمصادر متنوعة
ولكن كبداية مبسطة في الصيدلية ارشح لك كتاب
Symptoms in pharmacy
ابدا بيه كل يوم 15 دقيقة فقط واحدة واحدة هتخلصه وهتلاقي نفسك مشتاق تقرأ اكتر وتتوسع ساعتها هتقرا كتاب أكبر وهكذا
======
طبعا الكلام هنا خاص بال community pharmacists
======
أتمنى يكون الكلام مفيد
بالتوفيق
لمتابعة الصفحة الرسمية على الفيس بوك
ممكن لينك لهذا الكتاب دكتور مؤمن
ردحذفولكم جزيل الشكر
ممكن لينك لهذا الكتاب دكتور مؤمن
ردحذفولكم جزيل الشكر