(اوصف صح)اختبار الحمل
=======================
■■ بداية كده مفيش حاجة اسمها الاختبار ده بتاع الصبح والاختبار ده بتاع أي وقت
**** أمال إيه القصة ****
● الحيوان المنوي بيخصب البويضة ويأخذها وينتقل بيها عبر قناة فالوب إلى أن تستقر في بطانة الرحم.
● أول ماتستقر في بطانة الرحم يطلع بسرعة هرمون ال HCG ويبدأ يتضاعف يوم بعد يوم.
● العملية دي بتستغرق حوالي أسبوع
● في الوقت ده اختبار الحمل يبدأ يحدد فيه حمل ولا لا من خلال التفاعل مع هرمون ال HCG
● ال HCG ينزل في البول ويفضل ( وركز على يفضل وليس شرط) أن يكون بول الصباح لأن بول الصباح بيكون مركز فيه كمية كبيرة من ال HCG وبالتالي الاختبار يقدر يتفاعل معاه لو كان لسه كميته قليلة في الجسم.
● لو المرأة قامت وسط الليل للتبول ورجعت نامت تاني بالتالي بول الصبح مش هيكون مركز عندها لذلك يفضل بول الصباح اللي المرأة معملتش حمام خالص طول الليل.
● لو هتعمل الاختبار أي وقت في اليوم عادي مفيش مشكلة بس لو انتظرت 4 ساعات بدون تبول قبل الاختبار هيكون أفضل.
●●● ركز معايا قوي في النقطة دي
نسبة هرمون ال HCG اللي بتكون موجودة في البول عند متوسط((وليس كل فالموضوع اختلاف شخصي)) النساء بعد من 7 ل 10 أيام هي 20mIU لذلك أدق الأجهزة ممكن تقيس عند الرقم ده وفيه أجهزة مش بتقدر تقرأ غير عند 50mIU وثالثة عند 100mIU (مثلا)فقدرة الأجهزة على القياس عند نسب صغيرة بتختلف وكل جهاز له رقم مش بيقدر يقيس أقل من كده.
ليه قلت لك الكلمتين دول؟
1. علشان تكون عارف تفرق بين الأجهزة.
2. حتى لايزعم أحد أن الجهاز ده أفضل من ده أو أن ده يقدر يقيس قبل الدورة وده بعدها أو أن الجهاز ده أدق من ده
مالم يكون الجهاز مكتوب عليه الرقم اللي يبدأ يقيس عنده فأنت مش عارف وبالتالي تكون الأجهزة سواسية.
3. الفرق بين الجهاز اللي بيقيس عند رقم قليل واللي بيقيس عند رقم كبير هو أنه ممكن يقيس بدري شوية بمعنى أن واحد ممكن يقيس عند أول يوم انقطاع الدورة الشهرية والثاني ممكن عند تاني أو ثالث يوم لما توصل كمية الهرمونات عند الرقم ال threshold اللي بيقدر يقيس عنده وهكذا
وركز تاني على نقطة لاتدعي أن الجهاز ده أفضل من ده مالم تعلم الرقم اللي بيقيس عنده علشان يكون كلامك ثقة ومصدق.
*** الاختيار بين الانواع***
بناء على الكلام اللي فات الاختيار بين الأنواع يكون ب 3 معايير
1. دقة أو الرقم اللي بيقيس عنده الجهاز ودي قلنا مش هنعرفها لو مش مكتوبة على الجهاز.
2. طريقة استخدام الجهاز فالجهاز القلم (اللي بيتعرض للبول بس أثناء التبول) أسهل وأريح في الاستخدام من الشريط (اللي بتجمع له البول في كوب فاضي)
3. السعر على حسب القدرة المادية لكل واحد.
*** أفضل وقت للاختبار***
● قلنا أي اختبار ممكن يتعمل أي وقت وأي اختبار أفضل نتيجة له عند أول تبول في الصباح.
● ممكن عمل الاختبار عند أول يوم انقطاع للدورة وكل ما تتأخر الدورة الشهرية كل ماتكون احتمالية اكتشاف الجهاز للحمل أعلى.
*** النتيجة ***
1. نسبة دقة النتيجة في أجهزة البول تتراوح بين 95 ل 99 %.
2. اختبار الدم أدق بكثير من اختبار البول المنزلي.
3. لو طلعت النتيجة سالب ليس معناها أن المرأة غير حامل ولكن ممكن تكون حامل بس نسبة الهرمونات لم ترتفع للدرجة اللي يقدر الجهاز يقيسها بيها.
4. لو طلعت النتيجة موجب يبقى غالبا المرأة حامل والموجب الكاذب false positive ممكن يحصل ولكنه نادر شوية
5. لو ظهر أي تغير في اللون مهما كان خفيف معناها انه موجب
في بعض الأحيان بيكون الخط ضعيف جدا اللي بيقولوا عليه faint positive وده له أسباب كتير ولكن ده معناه أنه موجب.
6. لو لم يظهر أي شئ رجاء إعادة الاختبار مرة أخرى
*** الخلاصة ***
■ مفيش حاجة اسمها ده اختبار الصبح وده اختبار أي وقت
أي اختبار في الدنيا ينفع في أي وقت وأي اختبار في الدنيا أفضل نتيجة له الصبح
بالتوفيق
لمتابعة الصفحة الرسمية على الفيس بوك
https://www.facebook.com/Dr-Moamen-Attya-1493741650946059/?fref=ts
=======================
■■ بداية كده مفيش حاجة اسمها الاختبار ده بتاع الصبح والاختبار ده بتاع أي وقت
**** أمال إيه القصة ****
● الحيوان المنوي بيخصب البويضة ويأخذها وينتقل بيها عبر قناة فالوب إلى أن تستقر في بطانة الرحم.
● أول ماتستقر في بطانة الرحم يطلع بسرعة هرمون ال HCG ويبدأ يتضاعف يوم بعد يوم.
● العملية دي بتستغرق حوالي أسبوع
● في الوقت ده اختبار الحمل يبدأ يحدد فيه حمل ولا لا من خلال التفاعل مع هرمون ال HCG
● ال HCG ينزل في البول ويفضل ( وركز على يفضل وليس شرط) أن يكون بول الصباح لأن بول الصباح بيكون مركز فيه كمية كبيرة من ال HCG وبالتالي الاختبار يقدر يتفاعل معاه لو كان لسه كميته قليلة في الجسم.
● لو المرأة قامت وسط الليل للتبول ورجعت نامت تاني بالتالي بول الصبح مش هيكون مركز عندها لذلك يفضل بول الصباح اللي المرأة معملتش حمام خالص طول الليل.
● لو هتعمل الاختبار أي وقت في اليوم عادي مفيش مشكلة بس لو انتظرت 4 ساعات بدون تبول قبل الاختبار هيكون أفضل.
●●● ركز معايا قوي في النقطة دي
نسبة هرمون ال HCG اللي بتكون موجودة في البول عند متوسط((وليس كل فالموضوع اختلاف شخصي)) النساء بعد من 7 ل 10 أيام هي 20mIU لذلك أدق الأجهزة ممكن تقيس عند الرقم ده وفيه أجهزة مش بتقدر تقرأ غير عند 50mIU وثالثة عند 100mIU (مثلا)فقدرة الأجهزة على القياس عند نسب صغيرة بتختلف وكل جهاز له رقم مش بيقدر يقيس أقل من كده.
ليه قلت لك الكلمتين دول؟
1. علشان تكون عارف تفرق بين الأجهزة.
2. حتى لايزعم أحد أن الجهاز ده أفضل من ده أو أن ده يقدر يقيس قبل الدورة وده بعدها أو أن الجهاز ده أدق من ده
مالم يكون الجهاز مكتوب عليه الرقم اللي يبدأ يقيس عنده فأنت مش عارف وبالتالي تكون الأجهزة سواسية.
3. الفرق بين الجهاز اللي بيقيس عند رقم قليل واللي بيقيس عند رقم كبير هو أنه ممكن يقيس بدري شوية بمعنى أن واحد ممكن يقيس عند أول يوم انقطاع الدورة الشهرية والثاني ممكن عند تاني أو ثالث يوم لما توصل كمية الهرمونات عند الرقم ال threshold اللي بيقدر يقيس عنده وهكذا
وركز تاني على نقطة لاتدعي أن الجهاز ده أفضل من ده مالم تعلم الرقم اللي بيقيس عنده علشان يكون كلامك ثقة ومصدق.
*** الاختيار بين الانواع***
بناء على الكلام اللي فات الاختيار بين الأنواع يكون ب 3 معايير
1. دقة أو الرقم اللي بيقيس عنده الجهاز ودي قلنا مش هنعرفها لو مش مكتوبة على الجهاز.
2. طريقة استخدام الجهاز فالجهاز القلم (اللي بيتعرض للبول بس أثناء التبول) أسهل وأريح في الاستخدام من الشريط (اللي بتجمع له البول في كوب فاضي)
3. السعر على حسب القدرة المادية لكل واحد.
*** أفضل وقت للاختبار***
● قلنا أي اختبار ممكن يتعمل أي وقت وأي اختبار أفضل نتيجة له عند أول تبول في الصباح.
● ممكن عمل الاختبار عند أول يوم انقطاع للدورة وكل ما تتأخر الدورة الشهرية كل ماتكون احتمالية اكتشاف الجهاز للحمل أعلى.
*** النتيجة ***
1. نسبة دقة النتيجة في أجهزة البول تتراوح بين 95 ل 99 %.
2. اختبار الدم أدق بكثير من اختبار البول المنزلي.
3. لو طلعت النتيجة سالب ليس معناها أن المرأة غير حامل ولكن ممكن تكون حامل بس نسبة الهرمونات لم ترتفع للدرجة اللي يقدر الجهاز يقيسها بيها.
4. لو طلعت النتيجة موجب يبقى غالبا المرأة حامل والموجب الكاذب false positive ممكن يحصل ولكنه نادر شوية
5. لو ظهر أي تغير في اللون مهما كان خفيف معناها انه موجب
في بعض الأحيان بيكون الخط ضعيف جدا اللي بيقولوا عليه faint positive وده له أسباب كتير ولكن ده معناه أنه موجب.
6. لو لم يظهر أي شئ رجاء إعادة الاختبار مرة أخرى
*** الخلاصة ***
■ مفيش حاجة اسمها ده اختبار الصبح وده اختبار أي وقت
أي اختبار في الدنيا ينفع في أي وقت وأي اختبار في الدنيا أفضل نتيجة له الصبح
بالتوفيق
لمتابعة الصفحة الرسمية على الفيس بوك
https://www.facebook.com/Dr-Moamen-Attya-1493741650946059/?fref=ts
ليست هناك تعليقات:
إرسال تعليق