● علامات تمدد الجلد ال stretch marks أو striae distensae
دي عبارة عن خطوط وعلامات بتظهر في أماكن مختلفة من الجسم زي البطن الثدي الفخذين أعلى الذراعين أو المؤخرة
ودي بتحصل بسبب تكسر أو تهتك الكولاجين اللي في الجلد في الغالب
■ العلامات دي ملهاش سبب واضح ومحدش عارف ايه سببها فأكثر من عامل ممكن يسببها
*عوامل فيزيائية زي تمدد الجلد أو شد الجلد المفاجئ بسبب زيادة الوزن أو ممارسة رياضة تكبر حجم العضلات أو الحمل على سبيل المثال.
* عوامل هرمونية زي في الحمل مثلا لذلك حوالي 90% من النساء يحدث لهن علامات تمدد الجلد
* عوامل وراثية
وطبعا بيزيد من احتمالية حدوث علامات تمدد الجلد عدم المحافظة على رطوبة الجلد.
*** أنواعها أو مراحلها ***
عندنا منها نوعين أو مرحلتين
1. الخطوط أو العلامات الحمراء striae rubra
ودي المرحلة الأولى وبتكون فيها الخطوط لسه وردية أو حمراء ودي مرحلة نقدر نقول أنها من الممكن تقليلها نوعا ما
2. الخطوط أو العلامات البيضاء striae alba
ودي المرحلة الثانية والمتقدمة وممكن تظهر بعد من 6 ل 10 أشهر من المرحلة الأولى
*** حاجة كويسة ***
أن علامات التمدد دي مش خطر على صحة الإنسان ولا لها مضاعفات ولا حاجة.
*** حاجة مش كويسة ***
أن شكلها بيكون مش ظريف ولذلك الأغلبية بتسعى لعلاجها لأن الجلد بيكون شكله مش طبيعي
*** العلاج ***
* ملهاش علاج نهائي يخليها تروح تماما.
* الهدف من العلاج تقليل اللون قدر الإمكان ومحاولة تقريب لون العلامات دي بلون الجلد الطبيعي اللي حولها
لكن:
●● في حالة الخطوط الحمراء ممكن استعمال بعض الكريمات اللي بتحتوى على retinol أو ال topical retenoids عامة
وفيه بعض الكريمات من دي متاحة وممكن حتى الحاجات زي retin A بتجيب نتيجة عند بعض الناس (بس خد بالك اي كريم فيه retenoids لايستخدم في الحمل)و الافضل منه الليزر (وحتى الليزر بيجيب نتائج عند حوالي 49% من الحالات)
●● في حالة الخطوط البيضاء علطول حول على الدكتور الليزر هو اللي ممكن يجيب فائدة.
*** الوقاية والمستحضرات ***
* برضه مفيش وقاية نهائية بنسبة 100% من علامات التمدد دي
☆طيب الكريمات اللي عندنا في الصيدلية دي مش إيه؟
●○ دي كريمات للترطيب القوي للجلد لمحاولة تقليل ظهورها أو التخفيف من شكلها بحيث يسهل علاجها بعد كده وكمان لتقليل الأعراض اللي موجودة مع علامات التمدد من إحساس بالشد وحكة وتقليل الجفاف.
●● يعني أوصفها لمين؟●●
خد بالك قبل ماتوصفها لازم تعرف الشخص أن الكريم ده ليس ضمان اكيد لمنع حدوث علامات التمدد
¤ للمرأة أول ماتدخل الشهر الرابع سواء عندها علامات او معندهاش بحيث نحاول قدر الإمكان تقليل الأمر أو المحافظة على صحة الجلد
¤ لإنسان بدأ يخس فجأة أو وزنه زاد فجأة وبدأت تظهر عليه بدايات العلامات
¤ لإنسان عنده علامات حمراء بس لازم يكون الكريم فيه retenoids
لو الخطوط بيضاء Refer علطول ومتحاولش أصلا معاها
¤ أنصح دائما كل عملائك بالمحافظة على شرب الماء وأكل السلطات والفواكه للمحافظة على صحة الجلد وتقليل شرب ال caffeine لأنه ممكن يزود احتمال حدوث العلامات
بالتوفيق
لمتابعة الصفحة الرسمية على الفيس بوك
كيف يكون الاستعمال
ردحذف