(أوصف صح) انت لسه بتسأل؟
بأسأل على ايه ؟
بتسأل حمض الفوليك 1 ولا 5 للحامل؟
*** طيب وايه المشكلة؟ ***
ال guidrlines مش بتقول كده
*** يعني اعمل ايه طيب؟ ***
مش هاقول لك تعمل ايه ولكن هاقول لك الصح وانت لوحدك هتعرف انت هتعمل ايه
*** طب ايه الصح؟***
الصح أن ال guidelines بتقول عن حمض الفوليك الآتي :
1. حمض الفوليك هام جدا جدا لجميع النساء اللي في عمر الحمل لمنع حدوث تشوهات الظهر أو الشق الظهري spina bifida
2. الشق الظهري ده بيحصل في 28 يوم من الحمل لذلك المرأة لازم تستعد من قبل الحمل وتأخذ حمض الفوليك
3. الجرعة المعتمدة والموصى بها يوميا لجميع النساء من عمر 15 إلى 45 سنة هي 400 ميكروجرام يوميا
4. الجرعة الموصى بها لجميع النساء الحوامل والمرضعات هي من 600 ل 800 ميكروجرام يوميا
5. الجرعة الموصى بها للنساء اللي عندهم احتمال زائد من حدوث شق الظهر
High risk of spina bifida
اللي عندهم تاريخ ولادة حدث لها الأمر ده أو كان عندهم ضعف شديد في التغذية هي 4 ملجم يوميا
وحتى الجرعة دي بناء على رأي الخبراء ولكن الدراسات بتقول أن مفيش فرق في منع الخطر وان ال 400 ميكروجرام بيمنع زي ال 4 جرام
6. المرأة اللي بتخطط للحمل تأخذ حمض الفوليك على الأقل شهر قبل الحمل وتستمر فيه حتى آخر الشهر الثالث على الأقل
*** شفت بقى؟ ***
♧ يعني مفيش ولا توصية واحدة بتقول يأخذ 1 أو 5 إلا آراء الخبراء بتقول النساء ال High risk يأخذوا 4 ملجم
♧ بيأخذ جرعة أكبر من الموصى بها في الحالات الطبيعية.
طبعا مش بنقول انه غلط يأخذ 1 أو 5 لأنه أمن جدا في الجرعات دي مش مشكلة (لكن)ليه أوصف له جرعة مش محتاجها في حين ممكن أوصف له الصح واظبط الجرعة ودي شغلتي الحقيقية (ضبط الجرعات في حدودي)
♧ طبعا لو جاي في وصفة طلع زي الدكتور ماكاتب انا بتكلم هنا على ال OTC
*** يعني اوصفه لمين؟***
1. أي واحدة متزوجة أو بتخطط للحمل أو حامل
2. مع كل اختبار حمل
3. لكل عروسة هتتجوز قريب
4. لكل النساء المرضعات
5. لجميع النساء المتزوجات وفي عرضه لحدوث حمل وعمرها بين 15 ل 45 سنة
*** لذلك ***
متسالش 1 ولا 5 طلع تركيز ال 400 ميكروجرام علطول بدون سؤال
● طلعه بالجرعة الصح في الاستخدام الصح اللي قلنا عليه ودايما أوصف صح
** جايب الكلام ده منين؟📖**
* CDC (central for disease control and prevention)
* American pregnancy association
* Institute of medicine IOM
*ACOG (American congress of obstetricians and gynecologists
* uptodate
* lexicomp
لمتابعة الصفحة الرسمية على الفيس بوك
ليست هناك تعليقات:
إرسال تعليق