(اوصف صح) هل الكوليسترول فعلا غير مضر؟💀
بوست تقيل شوية بس مهم جدا جدا ومحتاج تركيز للمتخصصين
الحقوا القنبلة الطبية..الحقوا الزلزال في مجال الطب.. الوهم الكبيييييير
😠 ايه ياعم بس مالك عامل دوشة ليه؟؟ ايه القنبلة والزلزال والوهم والكلام الكبير ده
● بيقول لك الكوليسترول LDL طلع مش بيموت ولاحاجة بل إنه بيطول العمر كمان وأدوية الكوليسترول دي كلها ملهاش أي فايدة وماهي إلا عبارة عن بيع الوهم للناس وبيزنس عالمي و بلا بلا بلا وأي كلام وخلاص.
*** خطورة الكلام ده 💀***
● أن بوستات زي دي ممكن تخلي ناس كتير توقف علاج الكوليسترول بتاعها وتبدأ تتوقف عن أي نظام غذائي متبعاه وتفتح لنفسها على الآخر وتدخل في مخاطر ومشاكل قلب الله أعلم بيها خاااااصة الناس اللي مش قادرة على سعر الأدوية بسبب ارتفاع الأسعار
● أن اللي بيكتب الكلام ده بيعتمد على مصدر واحد بدون قراءة علمية دقيقة ودراية بدلالات الابحاث وبحث للأمر من جميع الجهات والاعتماد على بعض المواقع الإخبارية الشهيرة زي التليجراف التي لايعتد بها كمصدر طبي للمعلومة ويقولك👈 ياعم انت بتتكلم ازااااي ده التليجراف العالمي بيقول الكلام ده و....و.... وخدوهم بالصوت ليغلبوكم 😏
** الخلاصة لمحبي الخلاصة 👌**
✔ البحث الأخير أو بمعني أدق ال systemic review اللي اتنشرت دي فيها عيوب بحثية وخلل من عدة نواحي ومحتاجة إعادة تقييم قوية ولايعتد بها
✔ يجب على كل الناس عامة ومرضى الكوليسترول خاصة أن يتجنبوا ارتفاع الكوليسترول واللي بيأخذ أدوية كوليسترول statins لايتوقف عنها مطلقا بأي حال من الأحوال إلا إذا الطبيب المختص قرر إيقافها له
**** المناقشة العلمية 👌✔****
للناس اللي تحب المناقشة العلمية
👈 النقطة اللي ال systemic review دي بتناقشها هي الآتي :
contrary to common belief – LDL cholesterol is not as "bad" as may be thought, and higher levels are not linked to all-cause or cardiovascular mortality
دي بعض النقاط التي تم أخذها على ال systemic review اللي اتنشرت دي واللي البعض استدل بيها 👇:
1. ال systemic review زي ماحنا عارفين زي الخلاط 🔄 اللي هيتحط فيه هيضربه لو حطيت فيه فراولة بايظة هتطلع لك عصير فراولة مش كويس والعكس صحيح
The strength of a systemic review's findings is only as good as the studies they include.
وللأسف ال studies اللي اعتمدت عليها ال systemic review دي كانت معيبة من أكثر اتجاه.
2. لم يتم ادخال كل الابحاث المرتبطه بالنقطة دي في ال review وتم الاعتماد على الأبحاث اللي باللغة الانجليزية فقط على pubmed كما تم استبعاد أي بحث لم يذكر في ال title أو ال abstract وجود link بين LDL and mortality in older adults
3. ال review اعتمدت على الدراسات اللي فيها link للناس اللي عمرهم فوق 60 سنة فقط في حين أن هناك عوامل أخرى كثيرة ممكن تؤثر في اعمار أقل من كده كما أنه تم استبعاد الدراسات اللي فيها أمراض أخرى مثل
Dementia, diabetes or terminal illness.
4. الدراسات اللي دخلت في ال review فيه تنوع كبير بينها في ال adjustment for confounding factors اللي ممكن تؤثر بقوة على النتيجة
Age, gender and body mass index (BMI) were common factors that studies took into account, but others variably accounted for lifestyle factors (e.g. smoking, alcohol), socioeconomic factors, presence of conditions, and use of medications.
5. الدراسات فحصت فقط ال LDL cholesterol في حين أن
Levels of total cholesterol, trigylcerides, and the ratio of LDL to HDL "good" cholesterol could be having an effect and mediating the link between LDL and mortality.
أغلب الأدلة في ال review دي جايبة ال
All cause mortality not cardiovascular mortality
7. من أهم النقاط أن الدراسات لم تذكر ولم تقدم دليل على أن استخدام ال statins لافائدة منه وأنه مضيعة للوقت.
الموضوع فيه تفاصيل كتير ومناقشة علمية دقيقة مطولة
اللي يحب يعرفها بالتفصيل الدقيق يقرأ المناقشة دي وهيستفيد جدا جدا
*** رجاااااااء🙏🙏رجاااااااااء ***
⛔ حياة الناس مش لعبة وصحتهم أمانه مش علشان اعمل خبر مفرقع أو أجيب لايكات وشير زيادة أجيب أي خبر او دراسة وانشرها.
⛔ محدش ينشر أي معلومة إلا لما يكون واثق منها أو قادر على استخراج جميع جوانب المعلومة والقدرة على الرجوع عنها عند ثبات عكسها
ولمزيد من المعلومات يمكنكم متابعة الصفحة الرسمية
بالتوفيق للجميع
ليست هناك تعليقات:
إرسال تعليق