هل نكسيوم بيعمل فشل كلوي؟
قبل اي حاجة يعني مش عارف اقول ايه
انا من وجهة نظري ان الكوكب هيكون افضل بدون إعلام.. ايوة صدقني، الاعلاميين إلا من رحم الله من اسوء الشخصيات ومهنتهم جعلوها من اسوء المهن، ولها ذراع في كل كارثة على وجه الارض
ليه بقول كده؟
زي كتييير من الحالات والمقالات والحوارات اللي شفناها الفترة اللي فاتت عن أدوية وامراض كتير وكلها كلام غير دقيق طبيا، طلع لنا الأسبوع اللي فات موضة جديدة وفزع تم زرعه جديد في الناس سببه الإعلام الأمريكي
الحقواااااا
أدوية المعدة PPIss زي النكسيوم وغيره بيعملوا فشل كلوي حاد، فشل كلوي مزمن، هشاشة عظام، مشاكل في القلب و.....و.....و.....
وطبعا الخبر انتشر زي النار في الهشيم في العالم كله عموما والعالم العربي خصوصا
والناس داخلة الصيدليات اللي خايف من علاجه، واللي رافض يأخذ علاجه اصلا، واللي بياخذه وشاكك فيه، واللي داخل يسال على الإشاعة دي اصلا وغيره مواقف كتير مجموعها ان بسبب الإشاعة دي ممكن مرضى كتير يحرموا من العلاج او يتاخر علاجهم
وعمرك ماهتشرح للمريض يعني ايه Risk والفرق بين ال association وال causation وال study دي observational مش randomized وقصص كتير وتفاصيل صعبة
*** خلاصة الكلام 
👌🏻👌🏻***
👌🏻👌🏻***
• فيه دراسات اتعملت على أدوية المعدة ال PPIs ولقوا انها Associated with increased risk of acute and chronic renal failure, and the risk is dose dependent
وخد بالك كل حرف من الكلام اللي فوق ده 
👆🏻 له معنى
👆🏻 له معنى
• لقوها associated يعني الناس اللي خدت الأدوية دي لقوا حصل لها زيادة في ال risk بعد سنوات
لكن هل الأدوية دي هي السبب؟
لسه محدش جزم انها السبب
• مرتبطة ب acute and chronic يعني مشاكل حادة ومزمنة في الكلى
يعني الشخص مش هيجيله فشل كلوي مزمن الا لما يجيله في الاول تدهور حاد في الكلى كذا مرة
والشخص اللي بياخذ أدوية المعدة لو افتراضا جاله التهاب حاد في الكلى مفاجئ هيراجع الدكتور ولو لقى انه السبب هيغير له العلاج وبكده يمنع عنه الالتهاب الحاد وطبعا بالتبعية الفشل المزمن للكلى
• ولقوا ان ال Risk is dose dependentt يعني الشخص اللي بياخذ العلاج أسبوع غير اللي بيأخذ شهر غير سنة، واللي بيأخذ مرة في اليوم غير مرتين، واللي بيأخذ جرعة صغيرة غير جرعة كبيرة وهكذا
• الموضوع لسه محتاج دراسات كتييييير علشان تثبت هل الأدوية دي السبب ولا لأ
*** هات من الاخر، نقول للمريض ايه 
😎***
😎***
هتقول للمريض الآتي :
11. طفي التليفزيون ياعم الحج ومتسمعش كلام رسائل الواتس آب ومش كل حاجة العم جوجل يطلعهالك تبقى صحيحة
22. كمل علاجك وخده في مواعيده زي الطبيب ماهو محدد لك وتابع مع طبيبك باستمرار اول مايقول لك وقف العلاج توقفه، مش لبان هو
33. الناس اللي ماشية على أدوية المعدة سنوات بدون اي داعي لمجرد انه أتعود على الحباية وخايف يوقفها معدته تتعب.... من فضلك راجع طبيبك
4. بلاش نوصف لبعض الأدوية، مش كل واحد خبط اكلة محترمة وكابسة على نفسه يروح يأخذ PPIs الأدوية دي لها حالات بتتوصف فيها، دي مش فوار فواكه
55. لو بتأخذ الدواء وحسيت بأي مشاكل في الكلى ارجع للدكتور فورا.. غير كده خليك ماشي زي ما الدكتور قال لك
*** بالنسبة لينا المتخصصين نعمل ايه😎***
😎***
1. بلاش وصف ال PPIs غير في حالاتها
في أمريكا لقوا ان 70% من الناس اللي بتأخذ PPIss مش محتاجاها اصلا، مش عارف بقى عندنا في العالم العربي النسبة كم 
😬
😬
2. لما توصفها اوصفها
With the lowest effective dose, for the shortest duration according to guidelines
3. لما مريض يكون عنده Risk of acute or chronic kidney ومحتاج حاجة للمعدة خلي ال PPIs are the last line واحسبها Risk benefit ratio
4. لو مريض جالك بيشتكي من مشاكل في الكلى خد ال History بتاعه كويس ولو لقيته بيأخذ PPIss حط الموضوع ده في الحسبان واحسبها Risk benefit ratio
5. لو مريض جالك وبعد استمراره لفترة على ال PPIss بدأ يحصل له مشاكل في الكلى حاول توقف العلاج او تقلل الجرعات او تبدل العلاج او اي خيار Risk benefit ratio
66. طمن الناس وقول لهم ميقلقوش وفهمهم بالأسلوب البسيط اللي يفهموه وعلمهم الطريقة المظبوطة والجرعة المظبوطة، وعلمهم المتابعة ويكون مصدرهم للمعلومة الطبية هو الصيدلي او الطبيب مش السناب شات والواتس اب
🔵 نفس الكلام الكتيييير اللي قلته فوق ده 👆🏻👆🏻 ينطبق بنسبة كبيرة على علاقة أدوية المعدة PPIs بمشاكل القلب وهشاشة العظام والحاجات اللي عليها ضجة اليومين دول
بالتوفيق
تابع جميع الموضوعات السابقة من خلال الصفحة الرسمية
👇🏻👇🏻
👇🏻👇🏻 
ليست هناك تعليقات:
إرسال تعليق