التهاب العصب السابع "Bell Palsy"

(اوصف صح) التهاب العصب السابع "Bell Palsy"
•••••
 تعالوا ندردش مع بعض شوية عن مرض او حالة من اكثر الحالات اللي بدأت تنتشر الأيام دي وهي حالة التهاب العصب السابع
👌🏻 عاوزك تعرف ان العصب السابع ده هو العصب اللي جاي من المخ وبيتحكم في عضلات الوجه
يعني بيتحكم في تعبيرات الوجه، الابتسامة، الضحك، البكاء، الحاجات دي كلها
 

• ودلوقتي لما عرفت العصب ده بيعمل ايه، يبقى اكيد تخيلت لما يحصل فيه التهاب او شلل ايه اللي هيحصل بالظبط

✔️ وخلّينا متفقين ان دي حالة Refer فوري ومتتدخلش فيها مطلقا

****امال عاوز تكلمنا عنها ليه؟🤔****
1. لانها حالة Refer وده تخصصك انك توجه المريض صح لأن قبل ماهيروح لحد هيجيلك الأول
2. لأن الحالة أصبحت منتشرة جدا زي ماقلنا
3. لأن التوقيت مهم جدا ولو عملت Refer صح والمريض أتعالج في اول 722 ساعة من الأعراض هيوصل لأفضل النتائج

**** عاوز تقول ايه😎****
 عاوز اقولك اعراض الحالة دي علشان اول ماتشوفها كلها او بعضها تقول للمريض يطلع من باب الصيدلية على الطبيب فورا ولو مفيش طبيب يطلع على الطوارئ
هتلاقي حصل له في اي جانب من جانبي وجهه(اليمين او اليسار الآتي)👇🏻👇🏻:
• ضعف او رعشة او عدم القدرة على التحكم في عضلات الوجه او حتى شلل في عضلات الوجه
• هيلاقي تنميل في وجهه وفِي الفم
• ضعف عضلات الوجه هيخليه مش قادر يقفل عينه وجفاف في العين او دموع زيادة
• الم او زغللة في العين
• جفاف بالفم او زيادة في اللعاب وخلل في التّذوق
• سقوط في جانب الفم في النصف المصاب
• تغير في الصوت
• ألم في الأذن في الجزء المصاب
• جلد الجبهة في الجزء المصاب بيكون مسطح وبيفقد الثنايا Flattenedd حتى لو حاول يرفع حاجبه بيكون مسطح بنفس الشكل

**** السبب ☹️***
هو السبب تحديدا مش معروف حتى الان وكان فيه نظريه زمان بتقول ان سببه (لطشة) برد 😀 يعني واحد اتعرض لبرودة مفاجئة ولا حد كان سايق العربية والشباك مفتوح والهواء البارد عمل فيه كده
ولكن النظريات بعدت عن احتمال (اللطشة) ده شوية وقالت ممكن يكون احد الآتي👇🏻👇🏻:
• عدوى فيروسية خاصة ال HSV او غيره
• جلطات
• الضغط او السكر
• التهاب العصب نفسه
• عدوى الجهاز التنفسي العلوي URI
• مهاجمة الجسم لنفسه Autoimmune
• الضغط والتوتر العصبي
• بعد بعض العمليات الجراحية
 • وغير الأسباب دي ولكن دي احتمالياتها اكثر من غيرها

****العلاج 👌🏻☑️****
 في بعض الأحيان الحالة دي بتخف لوحدها ولكن اغلب الحالات بتحتاج تدخل بالأدوية:

• كورتيزون Prednisolone في اول 72 ساعة من الأعراض بجرعات عالية بتوصل في بعض الأحيان ل 60 ملجم يوميا لمدة أسبوع او اكثر وتبدأ تقف تدريجي
• مضاد للفيروسات زي ال Acyclovir وال Valacyclovir بجرعات عالية نوعا ما
•علاج طبيعي
• جراحة في بعض الحالات
 • وغير ده من طرق العلاج ولكن دي الأساسية

*** استفدت ايه من الكلام ده 👆🏻***
• انك تعرف الأعراض دي كويس
 • انك اول ماتلاقي حد عنده الأعراض دي او بعضها خاصة لو مريض كبير في العمر أومريض ضغط او سكر او قلب او اي مرض من الأمراض المزمنة متقولش له 🖐🏻 اطمن ده شوية تنميل وهيعدي
☑️ انت لازم تقول له اطلع على اقرب طبيب اعصاب او طوارئ حالا
• انك لو شفت الأعراض دي حتى لو عند طفل صغير متستبعدش الحالة وخليه يطلع على اقرب طبيب اعصاب او طوارئ حالا
🖐🏻 الله يكرمك ❌ مش كل شوية تنميل في اي مكان في الجسم تقوم مطلع علبة ال  Vitamin B complex وتقول ده هيظبط لك الاعصاب
🖐🏻 الله يكرمك ❌ بلاش علشان تكون منقذ للبشرية تقوم مطلع علبة Prednisolonee وتقوله خد ده بسرعة دلوقتي علشان ننقذك لأن:
• ممكن ميكونش اللي عنده التهاب العصب السابع والأعراض متشابهة مع حاجة تانية
 • ممكن ميكونش محتاجه لان الحالة لها ابعاد تانية كتير غير الكم حباية كورتيزون

👌🏻☑️المطلوب منك فقط انك تعمل Refer بأسرع وقت وده اعظم دور تقوم بيه

بالتوفيق

جميع الموضوعات السابقة على المدونة
والصفحة الرسمية👇🏻👇🏻
https://facebook.com/Dr-Moamen-Attya-1493741650946059/