الكحة عرض وليس مرض

(اوصف صح) الكحة عرض مش مرض 👌🏻

اكتر حالة بتدخل الصيدلية في العالم كله هي حالات الكحة
والمشكلة ان التعامل بيكون معاها من باب انها (شوية كحة وهيعدوا) وده غلط جدا 🔴

👌🏻الكحة عرض مش مرض، مفيش مريض اسمه مريض بالكحة

👌🏻 الكحة عاملة زي لمبة الزيت او البنزين في تابلوه العربية، اللمبة بتنور دليل ان فيه مشكلة في العربية محتاج تعرفها
👌🏻 المريض اللي داخل لك بكحة من اكثر المرضى اللي لازم تتكلم معاهم، وتسأله اسئلة كتير جدا قبل ماتطلع اي دواء
❌ للاسف السيناريو الشائع👇🏻
• دكتور، عندي كحة
* ناشفة او ببلغم
 • طب خد كذا، وانتهى الكلام

🔴 خد بالك لازم تسأل على الحاجات اللي جاية دي ونستبعدها وتعمل Refer فورا لو لقيتها👇🏻
• كحة بقالها > 3 أسابيع .... Refer

• بلغم لونة اخضر او اصفر مع حرارة مرتفعة جدا او إنهاك كامل للجسم.....Refer
بلاش الله يكرمك تقول ده مضاد حيوي حلو لل Respiratoryy مفيش حاجة كده... فيه حاجة اسمها مضاد حيوي مناسب للحالة اللي انت مش عارفها

• ألم في الصدر او ألم أثناء التنفس....Refer

• كحة بتيجي باستمرار وبانتظام.....Refer

• أطفال أقل من سنة ....Refer

• أطفال الكحة مستمرة معاهم خاصة أثناء النوم ومش بتخف ولا فيه دواء كحة جايب فايدة....Refer

• ناس كبيرة في العمر خاصة اللي عندهم أمراض مزمنة والكحة مستمرة او فيها بلغم مستمر ....Refer

• واحد بيأخذ أدوية ضغط وقلب ACEIs وعملت له كحة ....Refer

• واحد أخذ أدوية كتير للكحة ومجابتش فايدة او بيتعالج من أمراض الجهاز التنفسي ومفيش فايدة ....Refer

• واحد عنده دم في البلغم ....Refer

• واحد لون البلغم بني .....Refer

• واحد عنده البلغم سميك جدا او فيه رغاوي.....Refer

• واحد عنده تورم في الجسم ومعاه كحة ....Refer

• واحد عنده القلب وجاله كحة ....Refer

• واحد عنده تاريخ في العائلة للربو Asthm خاصة الأطفال ....Refer

كل دي علامات على انها مش مشكلة كحة ولو أعطيت الف دواء كحة مش هيجيب فايدة، بل ان كل وقت بتتاخره في ال Refer بتعرض المريض لخطر

العلامات اللي قلناها فوق بدون الدخول في تفاصيل مطولة تتراوح بين علامات التهاب رئوي حاد، التهاب شعب هوائية مزمن، COPD، فشل في القلب CHF، سرطان في الرئة، وغيرهم

احفظ العلامات اللي فوق دي 👆🏻👆🏻وأول ماتلاقيها من فضلك اعمل Refer

دي بيسموها ال Red flags احفظها زي اسمك واسألها لكل مريض كحة بلا استثناء قبل ماتحفظ اسماء أدوية الكحة اللي عندك في الصيدلية

بالتوفيق

تابع جميع الموضوعات السابقة من خلال المدونة
والصفحة الرسمية👇🏻👇🏻
https://facebook.com/Dr-Moamen-Attya-1493741650946059/