(اوصف صح) مسكنات الصداع النصفي 
🙍🏼♂️ دكتور، الله يكرمك علبة مسكّن الصداع النصفي
Somatriptan
Eletriptan
Zolmitriptan
Any Triptan for migraine
اتفضل
🙍🏼♂️ودي أخدها كم مرة في اليوم ؟
حبة عند اللزوم اول مايجيلك الصداع خدها
استنى، 
عدل النصيحة خليها 
لما تحس ان الصداع هيجيلك خدها
**** ايه الكلام ده 
****
****
• هو فيه حد بيحس ان هيجيله صداع
ايوةً ياغالي
في حالة الصداع النصفي، نسبة كبيرة من المرضى بيحس ان الصداع هيجيله قبلها بساعة او ساعتين(النسبة الأكبر) وساعات (النسبة الأقل) قبلها بفترة تصل لحد 48 ساعة
***بيحس بإيه يعني؟
***
***
بيحس ان فيه مصيبة جاياله وداخلة عليه 
ايوةً فعلا بيحس بكده
ممكن كمان يحس بحاجة او اكثر من الحاجات دي 
تعب، إرهاق، حساسية من الضوء، حساسية من الصوت، شد في عضلات الرقبة، زغللة في العين، تثاؤب (يتاوب يعني 
) يحس بتنميل في ووخذ زي الإبر في نصف الوجه اللي هييجي فيه الصداع
تعب، إرهاق، حساسية من الضوء، حساسية من الصوت، شد في عضلات الرقبة، زغللة في العين، تثاؤب (يتاوب يعني ) يحس بتنميل في ووخذ زي الإبر في نصف الوجه اللي هييجي فيه الصداع
*** يبقى احسن وقت ⏱***
لأخذ الحباية، افضل وقت هو ده
وقت مايحس بالمصيبة اللي داخلة عليه، وقت مايحس حاجة من اللي فات ده
🙍🏼♂️هل معنى كده ان لو جاله الصداع خلاص ميأخذهاش؟ وقتها راح؟
لا طبعا، ممكن ميحسش بالأعراض دي، ولو جاله الصداع يأخذها فورا - لكن الهدف من الكلام ان كل ما يأخذ الحباية بدري المفعول هيكون أسرع وأفضل
- لو ال migraine attack بتجيله كتير، لازم توجهه للطبيب يأخذ ال Prophylaxis مناسب لحالته
- من المكملات الغذائية اللي بتفيد في تقليل عدد ال Migraine attacks والفيدباك عنه ممتاز ال CoQ10 بجرعة ممكن تصل ل 300 ملجم يوميا
مهم جدا لأفضل النتائج من أي علاج أخذه بالطريقة المظبوط
بالتوفيق ياشباب
جميع الموضوعات السابقة على المدونة
والصفحة الرسمية
ليست هناك تعليقات:
إرسال تعليق