(اوصف صح) الغدة الدرقية
===========
حالات كثيرة بتدخل لنا الصيدلية وتطلب منا حبوب الغدة الدرقية
سواء التروكسين أو euthyrox أو أي حاجة تخصها
وبيدور الحوار الآتي :
■ لو سمحت يادكتور عاوز التروكسين
● اتفضل يافندم
■ شكرا يادكتور... مع السلامة
=======
طيب تعالوا نفهم مع بعض ايه موضوع الغدة وايه حكايتها ونفيد العميل حتى ولو بمعلومة
*** ضعف إفراز الغدة(الغدة الكسلانة) ****
شوف ياسيدي
علشان تفهم الغدة شغالة ازاي شوف الميكانيزم اللي تحت في الصورة ده
● ضعف الغدة ببسااااطة هو أن الغدة مش بتطلع thyroxine كويس وبالتالي ده بيأثر على كل وظائف الجسم
وبم أن الهرمون بطل يطلع او بقى كميته أقل من الطبيعي يبقى لازم أعطي هرمون من بره
** والموضوع ده أسبابه ايه؟**
● عندك أسباب كثير ممكن تعمل ضعف في الغدة
ممكن تكون autoimmune ممكن واحد عمل عملية وشال الغدة خالص ممكن أدوية زي الليثيوم والانترفيرون ممكن نقص في ال iodine ممكن thyroid hypoplasia ممكن تكون secondary hypothyroidism وحاجات كتير ممكن تعمل ده
*** المريض هيشعر بإيه؟ ***
شوف يادكتورنا
ده مثال تقريبي
●● هرمون الغدة لما بيطلع ويزيد تأثيره على أغلب (وليس كل ) أعضاء الجسم كأن شخص في خناقة (افتكرها بكده) ونقص الهرمون يبقى العكس (برضه مش في كل الاعضاء ده تقريبي بس)
يعني الشخص اللي عنده نقص في إفراز الغدة الدرقية هتلاقيه بيحس ب
1. Goiter
2. Dry, coarse skin and hair
3. Cold intolerance
4. Constipation
5. (Weight gain (fluid retention
6. Fatigue/weakness/depression
7. Bradycardia
**** طب والعلاج ايه؟****
العلاج بيكون بعد ما الدكتور يشخصه ويحدد السبب ويعمل تحاليل ال TSH وال T4 ويحدد نوع مرض نقص الغدة اللي عنده بالظبط لأن فيه منه كذا نوع
بيعطيه Thyroxine من بره علشان يعوض اللي الغدة مش بتطلعه
بيبدأ معاه بجرعة 1.7 ميكروجرام/كجم من وزن الجسم يوميا ويبدأ يتابع معاه بالتحاليل ويزود الجرعة أسبوعيا على حسب استجابة الحالة لحد ماتبقى تمام
* انا كصيدلي اعمل ايييه؟**
أي عميل ييجي يأخذ حبوب ضعف الغدة التروكسين أو غيرها انصحه
1. يأخذها على معدة فاضية في الصباح قبل الأكل بنص ساعة
2. لو بيأخذ منتج شركة معينة ومش موجود عندك بلاش تعطيه شركة تانية وخليه يدور على منتج الشركة اللي متعود عليها ومش تغير الشركة إلا لو الدواء مش موجود في ال market فعلا وتخليه يتابع مع الدكتور
■ طب ليه الكلام ده؟؟
لأن أدوية الغدة ال bioequivalence tests بتاعتها غالية جدا وأغلب الشركات مش بتعملها وممكن تلاقي منتجين مثلا التركيز فيهم 50 ولكن فيه فرق بينهم وليكن 0.0001 تخيل حاجة ضعيفة جدااااا لكنها ممكن تأثر على المريض جدااااا
الغدة حسااااااااسة لأي تغيير وأي اختلاف بتحس بيه ويأثر على المريض
○○○○○○○○○○
أتكلمنا عن الغدة الكسلانة Hypothyroidism
دلوقتي هنتكلم عن زيادة إفراز الغدة (الغدة الزعلانة) Hyperthyroidism وربنا يكفيك يابني شر زعل الغدة
● ده المريض اللي هتلاقيه داخل يقولك عاوز neomercazole على سبيل المثال
*** فاكرين المثال اللي قلناه فوق؟***
قلنا زيادة هرمون الغدة كأن واحد في خناقة
تخيل بقى هتكون الأعراض اييييه؟ (في أغلب وليس كل الأعضاء)
شوف الصورة دي
**** يانهار ابيض !! ودي ايه اللي يزعلها دي ؟؟****
●● عندك أسباب كتير ممكن تزعل الغدة
● ممكن autoimmune اسمه Graves disease وده أشهر سبب وبتكون فيه الغدة متضخمة من 2 ل 3 مرات قد حجمها
● ممكن ورم في ال pituitary gland
● ممكن ورم في ال thyroid gland نفسها
● ممكن بعض الأدوية زي ال amiodarone بتاع ال arrhythmia
● ممكن واحد عنده كسل في الغدة Hypothyroidism وأخذ العلاج بجرعة زيادة فالزيادة اللي أخذها دي تعمل له Hyperthyroidism
■ علشان كده بنقول الغدة حساسة قوي وخليك ماشي معاها جنب الحيط وطبطب عليها أحسن زعلها وحش.
** الطبيب **
بيعمل شوية تحاليل يلاقي فيها ال TSH عالي ويشوف نسبة ال T4 ويبدأ يشخص ويشوف السبب وبناء على السبب يعمل ال Plan بتاعته
** العلاج بقى **
● يبدأ الطبيب يشوف السبب ويعالجه ويعالج زعل الغدة بأكثر من اختيار
واختيار العلاج بيختلف من شخص للتاني على حسب الحالة وشدتها وعمر المريض وجنسه وهل عنده امراض تانية ولا لأ وحجم ال goiter وعوامل كتييير
المهم خيارات العلاج عندنا هي:
1. ال (Radioactive iodine(RAI
يعني المريض يأخذ ايودين نشط وبعدين يتحول ل Hypothyroidism ويفضل يأخذ thyroxine طول عمره
2. الأدوية اللي هي ال antithyroid drugs
زي ال carbinazole وال methimazole وال propylthiouracil
ودي باختصار بتمنع الغدة أنها تكون ثيروكسين
ودول طبعا قصة طويلة مش هنتكلم عن الفروق بينهم دلوقتي لأن بينهم بعض الفروق من ناحية التأثير على الكبد والحمل وحاجات تانية.
3.الجراحة
استئصال الغدة ودي المرحلة الأخيرة
*** أدوية مساعدة ****
هتلاقي دائما الناس اللي بتأخذ منك neomercazole أو غيره بيأخذ معاه inderal ال beta blocker
وده علشان يضاد بعض أعراض زعل الغدة زي
Palpitations, Anxiety, tremor, and Heat intolerance
** انت كصيدلي دورك إيه؟؟**
1. لازم تنبه المريض يحافظ على الدواء في موعده لأن هي اصلا زعلانة مش ناقصة نزعلها زيادة
2. لازم يتابع عند الدكتور كويس وأي دواء يأخذه يشوف هيتعارض مع ادويته وحالته ولا لأ لأنها حساسة لأي شئ زي ماقلنا
3. لو اتعرض لأي عدوى أو حصل له أي صدمة أو trauma قوية أو هيعمل أي عملية لاااااازم يراجع الدكتور ويعرفه كويس ويقول له على حالته بالظبط
الحاجات دي وان كانت نادرة ممكن تعمل عاصفة الغدة thyroid storm وهي فرط إفراز الثيروكسين بقوة شديدة
ودي ممكن تقتل العميل مفيش فيها هزار
○○○○○○
اتكلمنا عن الغدة الكسلانة والغدة الزعلانة
طيب ايه المكملات الغذائية اللي ممكن أنصح بيها مريض الغدة؟
*** شوف يادكتورنا الحبيب ***
بعد فحص وتمحيص في موضوع الغدة ده
غالبا مفيش مكملات غذائية عليها دليل قوي بتساعد مخصوص في تظبيط أو تقليل نسبة هرمونات الغدة الدرقية
*** ولكن ***
فيه كام حاجة كده هنقولها لسه الدراسات مش قوية عليها قوي ومفيش recommendation واضحة بالموضوع ده ولكنها عليها بعض ال practice وإن شاء الله تكون مفيدة خاصة أنها حاجات بسيطة وممكن تفرق مع المريض ومفيش منها أي أعراض جانبية
1. مريض الغدة الكسلانة Hypothyroidism
••••••••••••••
👈 بيكون أكثر عرضه لل cardiovascular disease خاصة لو كان نسبة الهرمون اللي بيأخذها مش مظبوطة قوي أو مش منتظم على العلاج أو مش متابع كويس.
الكلام ده ليه أكثر من سبب ومن ضمن الأسباب دي أن نقص الثيروكسين بيزود نسبة الهموسيستيين وده في حد ذاته بيزود ال CV disease risk
وجدوا أن الأشخاص اللي بيأخذوا الثيروكسين مظبوط بيقل عندهم ال risk ده واللي بيأخذ مع ال thyroxin حمض الفوليك الهموسيستيين بيقل زيادة وبالتالي ال risk بيكون أقل
● لذلك إنتظام المريض على ال recommend daily requirements من حمض الفوليك أو لو كان الوجبات بتاعته مش مظبوطة ومفيش فيها الحاجات دي وأخذ يوميا حمض الفوليك اكيد هيفرق معاه خاصة أن الشخص الطبيعي محتاجه فضلا عن مريض الغدة
2. مريض الغدة الزعلانة Hyperthyroidism
الراجل ده نتيجة أن موتور ال metabolism عنده شغال زيادة شوية وخاصة لو قعد فترة كبيرة متعالجش أو كان كبير في العمر بيكون عرضه لل osteoporosis أكثر من أي شخص تاني
لذلك ال American thyroid association بتقول لك ببساطة المريض ده يحمي نفسه من الخطر ده بأنه يحافظ على نفسه بأخذ الكميات المطلوبة من الكالسيوم على الأقل 1000 ملجم وفيتامين د على الأقل 800 وحدة دولية من مصادر الغذاء المختلفة
ولو الشخص ده مش هيقدر يأخذها من مصادر الغذاء يبقى يأخذها كمكمل غذائي علشان يحافظ على نفسه والكلام ده بنقوله للشخص العادي فضلا عن مريض الغدة
*** الخلاصة***
●● مريض الغدة الكسلانة تنصحه:
1. يحافظ على علاجه مظبوط ويتابع نفسه باستمرار ولايهمل
2. يأخذ حمض الفوليك في وجباته اليومية ولو مش مظبوط اكله يأخذه كمكمل غذائي هو رخيص ومفيد لأي إنسان وهيفرق معاه بزيادة
●● مريض الغدة الزعلانة تنصحه
1. يحافظ على علاجه مظبوط ويتابع نفسه باستمرار ولايهمل
2. يأخذ كالسيوم وفيتامين د في وجباته اليومية ولو مش مظبوط اكله يأخذهم كمكمل غذائي.
أتمنى نكون قدرنا نجمع الموضوع بطريقة مبسطة ومفيدة
بالتوفيق للجميع
لمتابعة الصفحة الرسمية على الفيس بوك
ليست هناك تعليقات:
إرسال تعليق