(اوصف صح) مش كل حالة دكتارين
*************♡♡♡♡♡♡♡♡**************
■ لو سمحت يادكتور انا عندي إفرازات نسائية والتهابات
ممكن تعطيني التحاميل اللي 3 ايام؟
● اتفضلي Gyno daktarin 400
*** انتظر من فضلك ***
مش كل الحالات تأخذ Gyno daktarin وأخواتها
*** أمال ايه طيب ***
هنتكلم عن أشهر حالتين وهم العدوى الفطرية والعدوى البكتيرية
Vaginal candidasis
Bacterial vaginosis
ودول نفرق بينهم بكذا حاجة
زي الرائحة وشكل الافرازات والأعراض الأخرى
*** ركز معايا ***
1. الإفرازات
* بتكون بيضاء زي الجبنة أو الحليب الرايب في حالة الفطريات
* بتكون بيضاء شفافة أو صفراء أو خضراء قليلا في حالة البكتريا
2. الرائحة
* بتكون عديمة الرائحة في حالة الفطريات
* بتكون لها رائحة كريهة كرائحة السمك في حالة البكتريا
وتزداد بعد الجماع وبعد الدورة الشهرية
3. الحكة
* يوجد حكة شديدة في حالة الفطريات
* لايوجد حكة ونادرا ان وجدت في حالة البكتريا
4. أعراض الالتهاب
* يوجد أعراض إلتهاب قوية كالإحمرار وعدم الإرتياح في حالة الفطريات
* غالبا لايوجد أعراض إلتهاب في حالة البكتريا
*** وانت بتعرفنا كل ده ليه***
• لازم تعرف الكلام ده علشان هتفرق معاك في اختيار العلاج
• خد بالك العلاج في الحالتين هيكون زي بعض ومش زي بعض
● ازاي ياعم ؟ انت هتجنني؟
زي بعض في الأشكال الصيدلية ومش زي بعض في التركيب
يعني كل الحالات هتاخذ
تحاميل( لبوس ) أو كريم مهبلي مع حبوب بالفم (على حسب الحالة) مع غسول نسائي
*** ركز معايا في العلاج ***
أ. في حالة الفطريات
1. اي تحاميل نسائية antifungal لمدة 3 ايام أو 7 أيام على حسب التركيز والمادة اللي فيها
يعني الدكتارين 3 أيام لكن ال canesten بيكون 7 أيام
* وممكن تطلع الكريم لمدة أسبوع بدل التحاميل مش مشكلة
* وممكن تطلع الجرعة الواحدة اللي هي اللبوسة ال 1200 برضه مش مشكلة كل الخيارات معاك
2. الكبسولات بالفم
Antifungal capsules
ودي خد بااااالك مش بتطلع لكل الحالات
مش أي حالة جاية عندها شوية إفرازات بيضاء وعدوى فطرية تقوم مطلع لها oral antifungal
ال oral antifungal بيطلع في حالة ال recurrence فقط
يعني لو الحالة بتتكرر مع المرأة 4 مرات أو أكثر في العام كاملا
تؤخذ كبسولة fluconazole 150mg كل ثالث يوم 3 مرات وممكن تأخذ تكمل بكبسولة كل أسبوع لمدة 6 أشهر
** بس نصيحة في حالة ال recurrence دي طلع الحاجات ال otc اللي قلنا عليها و refer وبلاش تدخل في دوامة ال oral antifungal ومشاكلها
3. الغسول النسائي ( وليس الدش المهبلي ) كويس وبيساعد في الحالات دي ولمدة أسبوع بس
قول للمرأة استخدام الغسول باستمرااااار مش نظافة خالص ده بيعمل مشاكل
ممكن توصف أي حاجة زي ال povidone iodine والحاجات دي.
===========
ب. في حالة البكتريا
1. التحاميل النسائية اللي فيها metronidazole زي الأمريزول تحميلة يوميا لمدة أسبوع
أو كريم نسائي فيه clindamycin زي avocin أو dalacin كريم نسائي داخلي يوميا لمدة أسبوع
2. حبوب بالفم
فلاجيل metronidazole 500 مرتين يوميا لمدة أسبوع أو دالاسين clindamycin 300 مرتين يوميا لمدة أسبوع
3. الغسول النسائي ( وليس الدش المهبلي ) كويس وبيساعد في الحالات دي ولمدة أسبوع بس
وبكرر تاني قول للمرأة استخدام الغسول باستمرااااار مش نظافة خالص ده بيعمل مشاكل
ممكن توصف أي حاجة زي ال povidone iodine والحاجات دي.
** اسمع دي وركز فيها **
Vaginal candidasis and bacterial vaginosis are NOT sexually transmitted diseases
يعني ايه الكلام ده
يعني مش بيتنقلوا عن طريق الاتصال الجنسي
●● بدأت تخرف اهه امال الدكاترة بيقولوا للزوج والزوجة يتجنبوا اللقاء الجنسي فترة العلاج ليه؟؟؟
1. لأن زي ماقلنا ممكن يكون فيه أعراض التهاب فبتخلي موضوع الاتصال الجنسي المباشر غير مريح
2. بعض الرجال ممكن يشتكي من حكة والتهابات عنده في حالة الجماع مع امرأة عندها عدوى كده
3. النساء اللي عندهم المشاكل دي بيكونوا أكثر عرضه لأمراض ثانية و sexually transmitted diseases
4. بصراحة مش ظريفة خالص حاجة زي دي في الوقت ده
يبقي بننصح العميل يتجنب ال sexual intercourse علشان الحاجات اللي قلناها دي لكن مش علشان العدوى للزوج والكلام ده
الموضوع ده مهم وبيجيلنا كتير في الصيدلية
خد بالك فيه حالات تانية بتيجي بس دول الأشهر والأكثر بين النساء
**** طيب وبالنسبة للحامل؟****
قبل مانتكلم عن الحامل تعالوا نتفق على قواعد أساسية
1. الكلام اللي هاقوله للعلم ولكن لا أنصحك تتدخل في الحالات دي في الحمل.
2. في حالة انك تدخلت وطلعت أي حاجة OTC برضه اعمل refer وخليها تروح تطمن مع الدكتور
●● ليه بتقول كده؟؟
لأن المشكلة في الحمل في الحالة دي مش الأدوية ولكن المشكلة في العدوى نفسها
بمعنى أن العدوات المهبلية في الحمل ممكن تتفاقم عند المرأة خاصة أن المرأة الحامل مناعتها أضعف من الشخص العادي، وتعمل التهابات في الرحم أو حتى تعمل مشاكل للجنين وندخل في دائرة احنا في غنى عنها
*يبقى هتعمل refer سواء وصفت أدوية أو ماوصفتش علشان المرأة تطمئن على نفسها ونكون في السليم ونمنع أي complications
**** العلاج بقى ازاي؟****
نفس جميع العلاج في حالة المرأة الغير حامل اللي اتكلمنا عليه المرة اللي فاتت أمن في الحمل وممكن توصفه بأمان في الحمل
●●● ماعدا
1. ال oral antifungal اللي هي Fluconazole وعائلته لانها category C في الحمل لاتصرف إلا بحرص شديد جدا جدا ومتابعة من الطبيب المختص ومرة واحدة بس وبعد اول 3 شهور وموضوع كبير كده أبعد عنه.
2. ال povidone iodine الغسول النسائي زي البيتادين واخواته أبعد عنه برضه مينفعش في الحمل
● الباقي كله اللي ذكرناه فوق تماام مفيش فيه مشكلة
بالتوفيق
لمتابعة الصفحة الرسمية على الفيس بوك
ليست هناك تعليقات:
إرسال تعليق