الحلقة الرابعة من التدريب والعرض ( استراحة الخميس )
=======================
اتكلمنا المرة اللي فاتت عن الفجوة أو ال gap أو الاحتياج التدريبي
وعرفنا مع بعض يعني ايه كلمة الاحتياج التدريبي
والنهاردة هنتكلم سريعا عن عدة نقاط ومش هنطول فيها
بس نأخذ فكرة عامة عنها
●● طرق تحديد الاحتياج التدريبي
وفيه عندنا طرق مختلفة تقدر من خلالها تحدد الاحتياج ده
● يعني الشخص أو المجموعة اللي عندهم الفجوة دي أو اللي عاوز أوصل بيهم من المستوى اللي هم فيه للمستوى X أو Y محتاجين كذا
من أشهر طرق تحديد الاحتياج التدريبي تحليل عدة نقاط
1. تحليل المنظمة أو المؤسسة Organization Analysis
وده غالبا على مستوى المنظمات أو المؤسسات
اللي هو باختصار شديد جدا تحليل المنظمة بشكل كامل من ناحية القوى العاملة والأهداف والهيكل التنظيمي ومؤشرات الكفاءة وحاجات كتير جدا
بحيث يتضح المؤسسة ككل واقفة فين ورايحة على فين ومحتاجة ايه كمنظمة(من ناحية التدريب) علشان توصل للمستوى المطلوب
●□● طبعا مهم جدا التنبه إلى أن ليس كل مشاكل المنظمات وعوائق وصولها للهدف والمستوى المطلوب هو قصور في التدريب ولكن فيه عوامل كتير جدا ولها نظم عالمية لتحليلها وتحديدها ولكن احنا بنتكلم عن جهة التدريب فقط التي تمثل حوالي 20% من عوامل إعاقة الوصول للهدف أو المستوى المطلوب أما ال 80% الباقية اللي بتقلل ال performance بتاع المنظمة أو بتعوق وصولها للهدف أو المستوى المطلوب هي عوامل أخرى غير التدريب
●□●التدريب مختص فقط بتطوير النقص في ناحية المعارف والمهارات Knowledge and skills
يعني لما نتكلم عن شركة أدوية غير سلسلة صيدليات غير مصنع أدوية غير مكتب دعايا
2. تحليل الوظيفة نفسها Job analysis
وده من خلال تحليل الوظيفة نفسها ووصفها Job description وشروطها ومتطلباتها والمهارات والإمكانيات والمواصفات المطلوبة لها
يعني الاحتياجات لوظيفة صيدلي في صيدلية غير مندوب دعايا غير صيدلي في مصنع غير مدير شركة
وبالتالي التدريب اللي محتاجه كل واحد من المواصفات دي مختلف
● وطبعا فيه طرق كتير وعلمية لتحليل الوظيفة نفسها يطول شرحها حاليا
3. تحليل الموظف نفسه Individual analysis
وده معناه أن بناء على تحليل المنظمة وتحليل الوظيفة اللي قلنا عليهم دول نشوف الموظف متوفر فيه متطلبات الوظيفة(معارف ومهارات و سلوك) اللي تحقق أهداف المنظمة أو المكان والوظيفة نفسها ولا لأ
ولو عنده نقص في حاجة منهم ايه التدريب اللي محتاجه علشان يطور المهارات والمعارف بحيث تتماشى مع الوظيفة وتحقق أهداف المنظمة كلها
● ودي برضه لها طرق كتير وعلمية لتحديدها يصعب شرحها الآن
دي كانت نظرة سريعة عن تحديد الاحتياجات التدريبية لسد الفجوة
لينك الحلقة السابقة
لمتابعة الصفحة الرسمية على الفيس بوك
ليست هناك تعليقات:
إرسال تعليق