(اوصف صح) التعامل مع حالات التهاب الحفاض
●●●●●●●●●●●●●●●●●●●●
تعالوا نتكلم مع بعض عن موضوع مهم وحالات كتير بتدخل لنا الصيدلية ونعرف علاجها المظبوط والمتكامل
وهي حالة التهاب الحفاض أو Diaper rash
●تعالى نعرف مع بعض امتى نعمل Refer للطبيب ؟
●● في الحالات الآتية:
1. لو لقيت بقع دهنية منتشرة خاصة في ثنيات الجلد وممكن تكون في أماكن ثانية غير منطقة الحفاض ممكن تكون seborrheic dermatitis
2. لو لقيت جفاف شديد وتشقق للجلد ممكن تكون اكزيما أو بدايات صدفية
3. لو لقيت بقع فيها صديد ممكن تكون عدوى بكتيرية وخاصة ممكن impetigo
4. لو لقيت علامات Herbes
5. لو لقيت أي شئ أو شكل غريب غير الالتهاب والإحمرار العادي اللي نعرفه خاصة لو فيه مشابه له في أماكن تانية من الجسم.
6. الالتهاب الشديد جدا اللي تلاقيه بيجيب دم***تعالى بقى نتعامل مع الحالة***
6. الالتهاب الشديد جدا اللي تلاقيه بيجيب دم***تعالى بقى نتعامل مع الحالة***
1. التهوية ثم التهوية
بقدر الإمكان يتم تعرض الطفل للتهوية حتى لو فترات قليلة أثناء اليوم لمنع الاحتكاك مع جلد الطفل كل مايقل الاحتكاك كل مايخف بسرعة
2. تغيير نوع الحفاض لنوع يكون منخفض التحسس خاصة لو كان الالتهاب مرتبط بالحفاض
3. استخدام المراهم والكريمات الواقية والعازلة
■■ وركز على كلمة الواقية دي لأنها لوحدها كده مش علاج خاصة الالتهاب الشديد
● منتجات كتير هتلاقيها عندنا في الصيدلية بتحتوي على zinc oxide أو Vaseline أو lanolin أو كل ده مع بعضه مفيش مشكلة
● ببساطة المراهم والكريمات دي بتعمل طبقة عازلة تمنع احتكاك ال irritants اللي هي البول والبراز مع الجلد
● المرهم طبعا أفضل من الكريم لأنه بيعمل بنفسه كده طبقة تستمر فترة على الجلد وبالتالي تمنع اتصال ال irritants مع الجلد كمان في حد ذاته له مفعول مانع احتكاك وبالتالي بيخفف احتكاك الجلد ببعضه
● بركز تاني دي كريمات وقاية مش علاج لوحدها وتستخدم مع كل تغيير حفاض حتى في حالة عدم وجود التهاب فهي تعتبر prevention method فتقلل من حالات حدوث الالتهاب ده في المستقبل.
4. الكريمات التي تحتوي على مضاد للفطريات مع كورتيزون أضعف شئ خاصة للأطفال تحت 6 أشهر
● مضاد الفطريات لأن حالات كتير بيكون سببها فطريات أو ممكن تحصل secondary candidal infection خاصة لو الحالة قعدت 3 أيام بدون علاج
●○ والكريمات دي هي العلاج للالتهاب اللي موجود ده
● كورتيزون أضعف شئ اللي هو Hydrocortisone 1% النقي اللي بدون أي salt يعني مش معاه dipropiobate ولا أي شئ والنقي ده زي الموجود في دكتاكورت كريم.
● ممكن بعد عمر 6 أشهر يتم استخدام ال medium potency في الحالات الشديدة اللي ال weak corticosteroids مش جايب معاها.
● استخدام كريمات الكورتيزون مرتين يوميا فقط لمدة من 5 أيام فقط
♢ أي زيادة عن كده سواء في المعدل أو في المدة الكورتيزون هيعمل ضمور في الجلد ويخلي الجلد خفيف وأي لمسه تسلخه زيادة ويبقى الكريم سبب الالتهاب بدل من أنه علاج.
♢ بلاش بلاش بلاش كيناكومب كريم أو مرهم لأنه يحتوي على neomycin وده بيعمل skin irritation وفيه تحذير من استخدامه في التهاب الحفاض خاصة المرهم لأنه Potent corticosteroid
5. تنظيف الجلد مهم جدا جدا
● يكون بماء فاتر فقط
● بلاش استخدام الصابون أو المناديل أو أي شئ فيه عطور
● لازم التغيير للطفل مباشرة وعدم الانتظار بالبول أو البراز في الحفاض لفترة خلي الأم تهتم بالطفل شوية وتتابعه وتغير له اول مايعمل حمام
● لو لابد من استخدام صابون للتنظيف يبقى الصابون الخالي من العطور ونقلل فترة الاحتكاك بالجلد قدر الإمكان
● لو لابد من استخدام مناديل لإزالة البراز أثناء الالتهاب تبقى مناديل مبللة خالية من العطور وتكون بالزيت زي زيت الزيتون ويتم إزالة البراز برفق جدا لان زيت الزيتون بيقلل الاحتكاك
6. بودرة الأطفال
● استخدامها فيه خلاف كبير البعض بيشجع استخدامها والبعض ضده.
● هي مفيدة من ناحية أنها بتقلل الرطوبة وبتمنع الاحتكاك
● مضرة من ناحية أنها بتقفل مسام الجلد غير أن ممكن أثناء وضعها الطفل يستنشق جزيئات منها وتأثر على الجهاز التنفسي
■□■يعني تستخدم ولا لأ؟؟
Not recommended as first line
*** الوقاية ***
● الوقاية خير من العلاج.
● انصح كل أم باستخدام كريمات الوقاية اللي قلنا عليها حتى لو مفيش التهاب حفاض علشان يمنع أو يقلل حالات حدوثه قدر الإمكان.
● نظافة الطفل والاهتمام به في قمة الأهمية علشان مش ندخل في مشاكل بعدين
دي كانت نظرة سريعة عن التهاب الحفاض
بالتوفيق
لمتابعة الصفحة الرسمية على الفيس بوك
ليست هناك تعليقات:
إرسال تعليق