واحد راح يقيس الضغط علشان عنده صداع شديد والنتيجة الضغط مرتفع
* شوف ياحج ارتفاع الضغط ده (احتمال) يعمل لك تهتك في الشعيرات الدموية في المخ ويعمل نزيف في المخ علشان كده لازم نحميك من حدوث كده
** ياريت يادكتور بس ازاي؟
** وماله يادكتور كسر لي دماغي
* هاتي الشومة يابنت (تراااااخ)
** تصدق يادكتور ارتاحت؟ أنا هانصح كل زمايلي اللي عندهم ضغط يكسروا دماغهم
* أيوة ياحج الله يفتح عليك
===
هل يعقل هذا الفعل؟
ده بالظبط نفس اللي بيحصل في علاج نزلات البرد common cold
** لو سمحت يادكتور أنا عندي أعراض برد وزكام
عندي رشح كده وحرارة خفيفة وألم أثناء البلع وشوية كحة
* خد الأدوية دي لعلاج الأعراض اللي عندك وطبعا هتأخذ معاها مضاد حيوي (هنكسر دماغك)
** ليه يادكتور مضاد حيوي
* علشان احتمال (نادر حوالي 5% أو أقل) يجيلك حاجة اسمها secondary bacterial infection ودي خطر عليك وممكن تعمل لك التهاب في القلب ومشاكل لو اتطورت
** يانهار أبيض ؟ أديني يادكتور مضاد حيوي (كسر دماغي) وانا هانصح كل اللي يجيله برد ياخد مضاد حيوي (يكسر دماغه)
===
حقائق يادكاترة وياصيادلة وياجميع الناس كلنا عارفينها وبنحاول نذكر بعض بيها
1. دور البرد common cold عدوى فيروسية المضاد الحيوي مش هيفيد فيها.
2. أغلب عدو الجهاز التنفسي العلوي upper respiratory tract infections عبارة عن فيروسات ولها نفس المعاملة.
3. ال secondary bacterial infection اللي هي مثلا GABHS(group A Beta hemolytic streptococcus ) دي حاجة نادرة ولو حصلت بيكون لها أعراض تانية غير أعراض ال common cold وغير أعراض ال sore throat
4. حتى ال Acute bronchitis اللي ممكن تحصل بعد دور البرد برضه Viral وفيه meta analysis بتقول إن ملهاش لازمة المضادات الحيوية يعني مفيش دليل اقوي من كده.
5. لو شاكك في الاحتمال النادر ده اللي هو GABHS فيه score بنمشي عليه ونقول هل فيه احتمالية ولا لأ ومحتاج أخلي المريض يعمل تحليل ولا لأ
Modified Centor Criteria for Pharyngitis and Tonsillitis
لازم يكون فيه صديد على اللوز و Anterior cervical lymphadenopathy ولايوجد كحة وبتختلف حسب العمر وارتفاع شديد في الحرارة
يعني مش بالساهل كده مضاد حيوي
===
واحد هيقول لي
* الواقع بيقول غير كده
** الواقع احنا اللي بنعمله حضرتك
* المريض عنده الم شديد في حلقه
** علاج الألم مسكن حضرتك مش مضاد حيوي
* كده المريض هيزعل ومش هيجيلي تاني
** خلاص احنا نقتله علشان يجيلنا العيادة أو الصيدلية تاني
* ياعم احنا في بلاد ملوثة وخطر ال infection فيها عالي
** يبقى الحل حضرتك اني أربي البكتريا واكبرها واوكلها مضاد حيوي كده كتير علشان صحتها تيجي عليه وتبقى resistant
* أصل لون البلغم متغير أخضر واصفر وازرق ورصاصي
** بيقولوا فيه لون جديد اللي هو اللون السماوي ده بيقولوا كويس (لاتعليق)
====
* طبعا أنا مش هتكلم عن مجموعة البرد اللي فيها حباية مضاد حيوي لأن كده مش بنكسر دماغ المريض ده احنا بنمشي فوقه ببلدوزر
====
إلى كل شخص
* اوعى تأخذ مجموعة برد فيها حباية مضاد حيوي
* اوعى تروح تأخذ مضاد حيوي علشان دور البرد
* الناس بتموت death فعليا من ال bacterial resistance
لمتابعة الصفحة الرسمية على الفيس بوك
انا فكرت الموضوع له علاقة بالضغط .ثانيا كلام حضرتك ممتاز لكن اوجز وانجز يادكتور قول المعلومة بشكل بسيط مش شرط حكاية طويلة عريضة عشان معلومة واحدة
ردحذف