(اوصف صح)بخاخ محلول الملح
آيزو ولا هايبر؟
○●○●○●○●○●○●○●○●
● لو سمحت يادكتور عاوز محلول ملح للأنف.
▪ رايح تحط ايدك على الرف لقيت قدامك علبتين واحد مكتوب عليه Isotonic والتاني مكتوب عليه Hypertonic هتطلع ايه؟
● فاكر أيام الكلية؟
● فاكر سكشن السيوتكس؟
● فاكر الفرق بين ال Isotonic وال Hypertonic ؟؟؟
¤ أييييوة بالظبط زي ما افتكرت كده برافو عليك
●○ ال Isotonic يعني نسبة الملوحة في السائل مساوية لنسبة الملوحة في الجسم وبالتالي نسبة الأملاح بتفضل متساوية على جانبي الغشاء أو الوعاء أو النسيج أو أيا كان المكان اللي موجود فيه السائل.
●○ ال Hypertonic بيكون يعني نسبة الملوحة في السائل أعلى من نسبة الملوحة في الجسم وبالتالي بيسحب الماء من الجانب الآخر من الغشاء أو الوعاء أو النسيج أو أيا كان المكان اللي موجود فيه السائل.
**** هو ده الفرق ****
☆ ده الفرق بين النوعين اللي عندك في الصيدلية
1. المحلول ال Isotonic بيدخل الأنف مش بيعمل حاجة للسوائل داخل اغشية واوعية الأنف ولكنه بينظف الأنف كويس جدا وبيزيل الميكروبات وال Allergens والمخاط وأي حاجة في الأنف ويرطبه ويحسن مفعول أي بخاخ يستخدم بعده لأنه هيشتغل على نضيف
2. المحلول ال Hypertonic بيدخل الأنف ويسحب السوائل من الأنسجة والأوعية اللي في الأنف وبالتالي بيقلل الإحتقان وفي نفس الوقت برضه بينظف ويرطب الأنف إلا لو كان تركيز الملح عالي قوي ممكن يجفف الأنف ووجدوا انه بيحفز ال Celia اللي في الأنف ويحسن أدائها.
■ مشكلة ال Hypertonic أن بعض الناس مش بتحبه وبيعمل لهم irritation في الأنف.
*** اعمل بقى Positioning كده؟***
♢ ال Isotonic هتطلعه في حالات :
● نزلات البرد العادية اللي بدون احتقان أو في حالة وجود احتقان لكن قبل بخاخات مضاد الإحتقان الأخرى .
● الحساسية الموسمية.
● الجيوب الأنفية.
● جفاف الأنف.
♢ ال Hypertonic هتطلعه في حالات:
● جميع الحالات السابقة.
● عدم جدوى ال Isotonic في الحالات السابقة.
● الحالات السابقة لو كان معها احتقان في الأنف.
● حد جالك وقال لك انا عاوز مزيل احتقان طبيعي 100%
●○ دي كانت نبذة مختصرة عن الفرق بين الاثنين وكيفية توظيف كل واحد أتمنى تكون مفيدة
لمتابعة الصفحة الرسمية على الفيس بوك
بالتوفيق
ليست هناك تعليقات:
إرسال تعليق