(اوصف صح) الترمومتر والتسمم بالزئبق 💀💀
*******
كده اكتر من حالة الشهر ده تبعت وتسأل كالآتي👇👇:
● يادكتور الولد كسر الترمومتر الزئبقي وبلع شوية زئبق😞
■ الرد في الحالة دي حاجة واحدة ملهاش تاني 👈 اتفضل اطلع دلوقتي على أقرب مركز سموم ولو مفيش قريب يبقى أقرب طوارئ.
■ معلش مضطر أكرر الكلام تاني برضه اتفضل اطلع دلوقتي على أقرب مركز سموم ولو مفيش قريب يبقى أقرب طوارئ.
** تسمم الزئبق 💀**
بدون ماندخل في تفاصيل علمية دقيقة بين أنواع الزئبق وكل نوع ممكن يعمل ايه هنتكلم كلام عام.
● الزئبق من أخطر الأشياء اللي ممكن تعمل تسمم وممكن تكون قاتلة.
● التسمم بالزئبق يكون عن طريق الاستنشاق ( وده أخطر شئ ⛔ حوالي 80% يتم امتصاصه) أو عن طريق البلع (من 2% - 10% يتم امتصاصه) أو عن طريق اللمس بالجلد (وده غالبا بيحتاج التعرض بجرعات كبيرة لفترات نوعا ما طويلة)
*** الزئبق موجود فين 👇***
فيه مصادر كتير لكن اللي الأشهر عندنا في البيوت وممكن يحصل منها حالة طوارئ ودي اللي بنتكلم عنها دلوقتي👇👇:
● الترمومتر الزئبقي
👌 دلوقتي فيه حاجة اسمها ترمومترات ديجيتال بلاش بقى الترمومتر الزئبقي ومخاطره.
● البطاريات (الحجارة يعني🔋)
👌 لو أي حد بلع بطارية حتى لو بتاعت الساعات الصغيرة دي يطلع فورا على مركز السموم أو الطوارئ.
👌 بلاش الله يكرمكم العادة المنتشرة بتاعت البطارية لو ضعيفة عضعضها علشان ترجع تشتغل😁.
● اللمبات البيضاء💡💡
اللمبات اللي عندنا في البيت نسبة كبيرة منها مصنوعة من الزئبق.
👌بلاش بقى الأطفال يلعبوا باللمبات القديمة ولا لما لمبة تنفجر حد ينظف الأرض مكانها بإيده.
● أجهزة الضغط اليدوي
👌دلوقتي برضه فيه أجهزة ديجيتال أأمن كتير من الأجهزة الزئبق
الأفضل نخلي الأجهزة الزئبقية دي للأطباء في العيادات والمستشفيات لانها محتاجة احترافية نوعا ما في التعامل معها.
● فيه مصادر كتير ممكن تكون مصدر للزئبق بس دي الأشهر اللي ممكن أي بيت يتعرض لها وتسبب حالة طوارئ.
*** الأعراض والمشاكل😱***
🔵 طبعا احنا اتفقنا أن أي حالة تعرض للزئبق سواء حصل أعراض أو محصلش لازم نطلع على أقرب مركز سموم أو طوارئ وطبعا في حالة ظهور أعراض يبقى لازم يكون التحرك أسرع
ولكن للعلم الزئبق ممكن يسبب الآتي(بتختلف الأعراض على حسب النوع) :
● حكة وطفح جلدي
● صداع
● دوخة وترنح
● اضطراب في الإحساس
● اضطراب في الحركة
● اضطراب في التركيز
● اضطراب وضعف في حركات العضلات
● اضطرابات في السمع قد تصل لفقدان السمع
● اضطرابات في البصر قد تصل لفقدان البصر
● الوفاة(لاقدر الله) في بعض الأنواع وفي حال التعرض لكميات كبيرة
لذلك بنقول الموضوع خطير ومينفعش نتعرض له خاصة أن بعض الحالات لما بتفقد أحد الحواس بسبب الزئبق مش بترجع تاني.
👈 👆دي كان نظرة عامة وسريعة عن موضوع التعرض للزئبق وازاي نقلل خطر التعرض له قدر الإمكان أتمنى تكون مفيدة
ولمزيد من المعلومات المفيدة والممتعة يمكنكم تصفح الصفحة الرسمية
ليست هناك تعليقات:
إرسال تعليق