د.مؤمن عطية: ليه لازم تبعد عن المواد اللي بتتحسس منها؟

(اوصف صح) ليه لازم تبعد عن المواد اللي بتتحسس منها؟

🤔

اهم نصيحة للشخص اللي عنده حساسية من اي شئ انه يبعد عنه قدر الإمكان
• طب وايه الجديد يعني؟ إيه اللي انت ضفته لي ؟

🤔

👌🏻ركز معايا

Allergic rhinitis is an inflammation of the nasal lining.
Continued persistent inflammation “primes” the tissue, resulting in a lower threshold for allergic and non-allergic mediated triggers (e.g., cold air and strong odors).
• يعني ايه الكلمتين الحلوين اللي فوق دول

👆🏻

• بيقولك ياسيدي ان الحساسية عامة والحساسية الموسمية خاصة تعتبر نوع من انواع الالتهابات

والشخص اللي عنده حساسية من شيء، لما بيتعرض له كثير وكل مرة بيحصل التهاب، وتكرار الموضوع ده بيخلي المادة اللي الشخص بيتحسس منها دي تعمل له حاجة اسمها Priming of the tissues

يعني ايه برضه؟

☹️
يعني الشخص تبدأ الأنسجة بتاعته تبقى حساسة بزيادة وتتحسس من حاجات هو مكنش بيتحسس منها قبل كده

***اضرب مثال

😎***
شخص عنده حساسية من التراب، وكل شوية يتعرض للأتربة
يبدأ من كثرة تعرض الأغشية المخاطية عنده للأتربة تبدأ تتحسس من حاجات هو مكنش بيتحسس منها قبل كده
يعني تلاقيه بدأ يتحسس من العطور القوية او من هواء المكيف او الدخان أو.....أو..... حاجات أصلا هو مكنش بيتحسس منها

👌🏻 لذلك من المهم جدا أن الشخص اللي عنده تحسس من اي شئ يحاول قدر الإمكان يحدده ويبتعد عنه لان كثرة تعرضه ليه هتخليه بعد فترة مش بس بيتحسس منه ، لأ ، ده هيتحسس من حاجات تانية كمان هو مكنش بيتحسس منها

تابع جميع الموضوعات السابقة من خلال هذه المدونة 👇🏻👇🏻

والصفحة الرسمية