هل دنتينوكس جل التسنين خطير؟

(اوصف صح) دنتينوكس وخطورته

====

كذا حد يسأل عن خطورة الدنتينوكس جل تسنين الأطفال 

وانت ازاي توصفه وفيه تحذير عليه من ال FDA 

وكل واحد يقول للتاني

●○ بلاش تطلع دنتينوكس للتسنين عند الأطفال لأن عليه تحذير من ال FDA 

*** تعالوا نعرف الموضوع***

ال FDA بتاريخ 26/6/2014 طلعت تحذير من أي جل للأسنان يحتوي على lidocaine لأنه ممكن الطفل يبلع منه كميات زيادة ويحصل له تشنجات ومشاكل في المخ والقلب وممكن تصل للوفاة وفيه حالات تم رصدها حصل لها كده 

وده لينك التحذير  

http://www.fda.gov/Drugs/DrugSafety/ucm402240.htm

وطبعا ساعة ماتشوف تحذير ال FDA متقدرش تتكلم 

ومن ساعتها والبوستات والتحذيرات مالية الفيس بوك وكل السوشيال مديا

طب نعمل ايه بقى في الموضوع ده 

*** توضيح الأمر ببساطة ***

●○ دنتينوكس اللي عندنا في السعودية مفيش فيه Lidocaine  وتم استبدال ال Lidocaine بشوية oils طبيعية لها مفعول مخدر موضعي (انظر العلبة خلفك على الرف)
✔ كمان التحذير على المنتجات اللي فيها Lidocaine 2% بينما الدنتينوكس نسبة ال Lidocaine فيه 0.33% يعني أقل بكتييير من اللي في التحذير
🔵 طبعا انا بتكلم على دنتينوكس اللي في السعودية معرفش اللي في باقي الدول فيه Lidocaine ولا لأ وحتى لو فيه اتاكد ان نسبة ال lidocaine قليلة جدا مش 2% زي اللي في التحذير وبكل بساطة انظر تركيب العلبة Active ingredients وشوف ينطبق عليها التحذير ولا لأ.

●● يلا قوم شوف العلبة اللي وراك على الرف وتأكد من الكلام.

لو سمحت قوم ... عارف انك واثق في كلامي بس برضه قوم ... ياعم الحج ريحني وقوم .. هي ثانية واحدة علشان قلبك يستريح قوم يادكترة .. يلا قوم بقى هو انا لازم ازعق ؟

ولمزيد من المعلومات المفيدة والممتعة يمكنكم متابعة الصفحة الرسمية على الفيس بوك

https://facebook.com/Dr-Moamen-Attya-1493741650946059/

بالتوفيق