(اوصف صح) الكمادات حارة ولا باردة
========
كل شوية حد داخل عليك الصيدلية بحالة مابين شد عضل أو خبطة أو جرح أو لوي دراع أو بوكس في الوجه أو .....أو .....
👈 ومن ضمن النصائح المهمة اللي بنقولها اعمل عليها كمادات 😐
** والسؤال البديهي 👇👇**
كمادات ايه يادكتور ؟ باردة ولا سخنة؟
*** تعالوا نفهمها علشان نوصفها صح 👌***
1. العلاج بالحرارة أو الكمادات الحارة Thermotherapy
● الحرارة عامة على أي مكان في الجسم بتعمل الآتي👇👇:
1. بتزود تدفق الدم والاكسجين والغذاء للمكان المصاب وبالتالي تساعد على سرعة الشفاء من الإصابات.
2. تسبب مرونة وبسط للعضلات.
🔵 لذلك تستخدم الكمادات الحارة في حالات:
1. الشد العضلي والم العضلات.
2. في حالة الإصابات المزمنة Chronic injuries.
3. يخفف التجمعات الدموية Hematoma.
✔ يعني لو واحد بيأخذ حقن تحت الجلد وعاملة تجمعات دموية هتفيد فيها كويس وكذلك لو أي حالة تجمع دموي.
4. تمزق والتواء الأربطة والمفاصل.
⛔ لاتستخدم الكمادات الحارة في حالة 👇👇:
1. لاتستخدم مباشرة بعد الإصابات أو الالتهابات الحادة .
لأن زيادة تدفق الدم هيساعد الالتهاب انه يتكون بسرعة لكن الأفضل تستخدم الكمادات الباردة لمدة 72 ساعة وبعدها تعمل الكمادات الحارة.
2. لاتستخدم للناس اللي عندهم قصور في الدورة الدموية زي مرضى السكر مثلا وأمراض الدورة الدموية الطرفية.
3. لاتستخدم لتخفيف الآلام المزمنة.
*** الطريقة 👇👇***
عن طريق استخدام قربة(حاوية)الماء أو الجيل أو القماش المبلول أو أي طريقة تقوم بها بتدفئة المكان بدرجة حرارة بسيطة إلى متوسطة من 15 ل 30 دقيقة
⛔ درجة الحرارة لاااازم تكون بسيطة أو متوسطة مش شديدة حتى لاتحرق الجلد.
2. العلاج بالبرودة أو الكمادات الباردة cryotherapy
● البرودة عامة على أي مكان في الجسم بتعمل الآتي👇👇:
1. بتقلل تدفق الدم والاكسجين والغذاء للمكان المصاب وتعمل انقباض للأوعية Vasoconstriction.
2. تقلل الاستجابة للالتهاب inflammatory response وتقلل عملية الم وشد العضلات.
🔵 لذلك تستخدم الكمادات الباردة في حالات:
1. الشد العضلي والم العضلات الحاد والمزمن.
2. في حالة الإصابات الحادة acute injuries.
● يعني فورا بعد الإصابات ولمدة 72 ساعة علشان تقلل الألم وتمنع حدوث التهاب.
3. بعد العمليات الجراحية لتقليل الألم والالتهابات والورم.
4. في تقليل أي الم حاد أو مزمن بخلاف الكمادات الحارة لاتستخدم في الآلام المزمنة.
5. ممتازة جدا في حالات الكدمات والالتواءات والتورمات.
يعني بعد خناقة وكم بوكس 👊💪 على شلوت على عين زرقاء🤕 يبقى تمام.
⛔ لاتستخدم الكمادات الباردة في حالة 👇👇:
1. لاتستخدم بعد الجروح المفتوحة open wound.
2. لو واحد عنده التهاب في الأعصاب الطرفية.
*** الطريقة 👇👇***
● عن طريق استخدام قربة(حاوية)الماء أو الجيل أو القماش المبلول أو أي طريقة تقوم بها بتبريد المكان من 20 ل 30 دقيقة.
● من الممكن إعادة عمل كمادات مرة أخرى بعد 90 دقيقة.
🔵 ملحوظة:
متستغربش من البوست انك تلاقي مكتوب الم العضلات والشد العضلي في الحالتين الحار والبارد
بالفعل الحالتين بيعالجوا الشد العضلي وهتلاقي عندك منتجات كتير في الصيدلية لعلاج الشد العضلي بعضها بيعتمد على الحرارة وبعضها بيعتمد على البرودة
👌دي كانت نظرة عامة عن الكمادات الحارة والباردة وامتى نستخدمها ومين نوصف له الحارة ومين نوصف له الباردة.
أتمنى يكون الموضوع مفيد
ولمزيد من المعلومات المفيدة والممتعة يمكنكم متابعة الصفحة الرسمية
ليست هناك تعليقات:
إرسال تعليق