(اوصف صح)حاول تشرح للعملاء 👌👌
======
أمس حصل معايا موقف أثر في جدا 👇
● من كم يوم كده اكتشفت أن عندي مشكلة في كفر العربية
وانا لسه شاري الكفر ده من فترة قريبة فقلت ده اكيد عيب تصنيع خاصة أن نفس المشكلة حصلت معايا قبل كده في كفر تاني وطلعت فعلا عيب تصنيع.
رحت أمس للتوكيل وقلت لهم المشكلة كذا كذا.... وبالفعل اكتشفوا أن المرة دي مش عيب تصنيع للأسف 😔
المهم مدير الفرع واحد سعودي كده وقف معايا وقعد يشرح لي هم ليه بيقولوا أن ده مش عيب تصنيع وازاي بيفرقوا بين عيب التصنيع وسوء الاستخدام، وبعدين أخذني مكتبه بكل احترام وقعد يجيب لي قطع من كفرات من مقاسات مختلفة وقعد يشرح لي الفروق بينها وازاي الصدمات والحفر وسوء الاستخدام بيأثر على كل نوع.... وشرح كامل للموضوع.
بصراحة اقتنعت جدا ☺ بل اني كنت في قمة السعادة وخلاص بالفعل قررت اني هاشتري كفر جديد وخلاص لأن الغلط من عندي ومع ذلك الراجل عمل معايا واجب وغير لي الكفر وخلاني دفعت فرق بسيط جدا الحمد لله.
✔ الموقف ده أثر في جدا وخلاني طول الطريق عمال أفكر في كلام الراجل ده وبقيت فاهم ليه انا لازم اتفادي الحفر وكنت سعيد جدا لأني فاهم انا بعمل ايه وليه وقررت اني بعد كده هأشتري من النوع ده بالذات من الكفرات ومن الفرع ده بالذات علشان خاطر الراجل ده.
*** بقول الكلام ده ليه؟؟ 👇 ***
1⃣ خدمة العملاء مش كلام وخلاص أخدم العميل صح علشان يكون سعيد حقيقي.
2⃣ العميل لما بيفهم بيرتاح وبيريحك.
3⃣ احنا في المجال الطبي عموما وفي الصيدليات خصوصا أولى الناس أننا نعمل كده لأن صحة الناس مهمة جدا والمريض بيرتاح لما يفهم اللي عنده ويفهم العلاج بتاعه وأهميته وبيبقى ممتن ليك جدا لما تشرح له مش "خد ده وانت هترتاح وخلاص" والمريض يطلع من العيادة أو الصيدلية وهو مش فاهم ايه اللي عنده ولا ايه اللي بيحصل له ولا أي حاجة زي الراجل بتاع الكفرات ده كان ممكن ببساطة يقول لي ده مش عيب تصنيع وخلاص وانا امشي من عنده واقعد ادعي على بتوع الكفرات وأقول دول عالم نصابين يخلونا نشتري وعند الضمان يهربوا و....و.... وكلام كتير ناجم عن الغضب لاني مش فاهم.
4⃣ لما نشرح للمريض ويفهم ايه اللي عنده وليه بيأخذ الأدوية دي هيعود عليك بالإيجابيات في أكثر من نقطة:
● أولا هيكون سعيد لإهتمامك بيه.
● مهما هتعطي له من أدوية وهو فاهمها هيأخذها ومش هيعتقد أنك بتعبي له وبتشيل الزبون (بالمصطلح الدارج) وخلاص.
● لما يكون الدكتور كاتب للمريض روشته وجاي يصرفها هيأخذها كاملة وبالتالي هيأخذ علاجه كامل ومش هيقف قدامك يقعد ينقي ويقول لأ شيل ده وخلي ده وهو مش عارف هو بيشيل أو بيخلي على أي أساس وفي الآخر العلاج ميجيبش معاه نتيجه ويقول انا كشفت عند دكتور مش فاهم حاجة.
● لما المريض يفهم هيأخذ مدة العلاج كاملة لأنه هيكون عاوز يوصل لأفضل نتيجة ومش هيأخذ قرصين ويرمي الباقي ولا يوقف العلاج في نص المدة معتقد انه كده خف وخلاص.
5⃣ اللي حصل معايا أمس ده بيأثر على البزنس بالإيجاب بطريقة غير مباشرة عن طريق حاجة في علم التسويق اسمها Word of mouth يعني تخلي العميل يتكلم عنك بطريقة كويسة قدام الناس بل ويعمل لك دعايا مجانية
بالظبط كده زي انا ما انبسطت من الراجل بتاع الوكالة (للعلم وكالة نكسن Nexen في الدمام) وبالتالي بتكلم عليه مع الناس وحكيت تجربتي الكويسة قدام الناس وعلى ال social media ودي نوع غير مباشر من الدعايا وكان وارد جدا يحصل العكس لو كان هو تعامل معايا بالعكس.
نفس الشئ عندنا في الصيدلية كل واحد هنشرح له ونفهمه ونخدمه مظبوط اكيد ال Word of mouth هتأثر عليك وهتخلي الناس تيجي لصيدليتك مخصوص علشان يأخذوا الخدمة اللي بيسمعوا عنها والعكس صحيح.
6⃣ الشرح اللي هتشرحه ده أو الخدمة اللي هتقدمها بالشكل ده هتمتص غضب كثير من الناس لو واحد جالك والعلاج مثلا لاقدر الله مجابش النتيجة المطلوبة ممكن يكون هو مستخدمهوش مظبوط أو فيه حاجة معينة جعلت العلاج مش فعال بنسبة 100% أو حتى الشخص محتاج علاج تاني خالص ساعتها المريض هيتفهم ده جدا وهيكون معاك في أي خطة بديلة أو نصائح بتعطيها له بحيث توصل بيه لأقصى فائدة بإذن الله.
7⃣ الشرح ده والخدمة دي هتقلل سوء استخدام أدوية كتيييير الناس في غنى عن أضرارها الجانبية.
● في الأول وفي الآخر الإنسان يبتغي وجه الله أولا في الخدمة اللي بيخدمها للناس وفي النصائح اللي بيقدمها ويعلم أن ربنا هيثيبه عليه ويجزيه خير الجزاء.
● من الناحية الطبية الخدمة دي لها فوائد عظيمة جدا لو قعدنا نشرحها مش هنخلص.
● من ناحية البزنس الموضوع هيعود عليك بفوائد كبيرة جدا جدا من أول البركة في الرزق لحد أن حجم البزنس بتاعك يكبر وربنا يفتح عليك من وسع.
نحن على ثغر يجب أن نكون على قدر المسؤولية
الله المستعان
بالتوفيق
ولمزيد من المعلومات المفيدة والممتعة يمكنكم متابعة الصفحة الرسمية
https://facebook.com/Dr-Moamen-Attya-1493741650946059/
======
أمس حصل معايا موقف أثر في جدا 👇
● من كم يوم كده اكتشفت أن عندي مشكلة في كفر العربية
وانا لسه شاري الكفر ده من فترة قريبة فقلت ده اكيد عيب تصنيع خاصة أن نفس المشكلة حصلت معايا قبل كده في كفر تاني وطلعت فعلا عيب تصنيع.
رحت أمس للتوكيل وقلت لهم المشكلة كذا كذا.... وبالفعل اكتشفوا أن المرة دي مش عيب تصنيع للأسف 😔
المهم مدير الفرع واحد سعودي كده وقف معايا وقعد يشرح لي هم ليه بيقولوا أن ده مش عيب تصنيع وازاي بيفرقوا بين عيب التصنيع وسوء الاستخدام، وبعدين أخذني مكتبه بكل احترام وقعد يجيب لي قطع من كفرات من مقاسات مختلفة وقعد يشرح لي الفروق بينها وازاي الصدمات والحفر وسوء الاستخدام بيأثر على كل نوع.... وشرح كامل للموضوع.
بصراحة اقتنعت جدا ☺ بل اني كنت في قمة السعادة وخلاص بالفعل قررت اني هاشتري كفر جديد وخلاص لأن الغلط من عندي ومع ذلك الراجل عمل معايا واجب وغير لي الكفر وخلاني دفعت فرق بسيط جدا الحمد لله.
✔ الموقف ده أثر في جدا وخلاني طول الطريق عمال أفكر في كلام الراجل ده وبقيت فاهم ليه انا لازم اتفادي الحفر وكنت سعيد جدا لأني فاهم انا بعمل ايه وليه وقررت اني بعد كده هأشتري من النوع ده بالذات من الكفرات ومن الفرع ده بالذات علشان خاطر الراجل ده.
*** بقول الكلام ده ليه؟؟ 👇 ***
1⃣ خدمة العملاء مش كلام وخلاص أخدم العميل صح علشان يكون سعيد حقيقي.
2⃣ العميل لما بيفهم بيرتاح وبيريحك.
3⃣ احنا في المجال الطبي عموما وفي الصيدليات خصوصا أولى الناس أننا نعمل كده لأن صحة الناس مهمة جدا والمريض بيرتاح لما يفهم اللي عنده ويفهم العلاج بتاعه وأهميته وبيبقى ممتن ليك جدا لما تشرح له مش "خد ده وانت هترتاح وخلاص" والمريض يطلع من العيادة أو الصيدلية وهو مش فاهم ايه اللي عنده ولا ايه اللي بيحصل له ولا أي حاجة زي الراجل بتاع الكفرات ده كان ممكن ببساطة يقول لي ده مش عيب تصنيع وخلاص وانا امشي من عنده واقعد ادعي على بتوع الكفرات وأقول دول عالم نصابين يخلونا نشتري وعند الضمان يهربوا و....و.... وكلام كتير ناجم عن الغضب لاني مش فاهم.
4⃣ لما نشرح للمريض ويفهم ايه اللي عنده وليه بيأخذ الأدوية دي هيعود عليك بالإيجابيات في أكثر من نقطة:
● أولا هيكون سعيد لإهتمامك بيه.
● مهما هتعطي له من أدوية وهو فاهمها هيأخذها ومش هيعتقد أنك بتعبي له وبتشيل الزبون (بالمصطلح الدارج) وخلاص.
● لما يكون الدكتور كاتب للمريض روشته وجاي يصرفها هيأخذها كاملة وبالتالي هيأخذ علاجه كامل ومش هيقف قدامك يقعد ينقي ويقول لأ شيل ده وخلي ده وهو مش عارف هو بيشيل أو بيخلي على أي أساس وفي الآخر العلاج ميجيبش معاه نتيجه ويقول انا كشفت عند دكتور مش فاهم حاجة.
● لما المريض يفهم هيأخذ مدة العلاج كاملة لأنه هيكون عاوز يوصل لأفضل نتيجة ومش هيأخذ قرصين ويرمي الباقي ولا يوقف العلاج في نص المدة معتقد انه كده خف وخلاص.
5⃣ اللي حصل معايا أمس ده بيأثر على البزنس بالإيجاب بطريقة غير مباشرة عن طريق حاجة في علم التسويق اسمها Word of mouth يعني تخلي العميل يتكلم عنك بطريقة كويسة قدام الناس بل ويعمل لك دعايا مجانية
بالظبط كده زي انا ما انبسطت من الراجل بتاع الوكالة (للعلم وكالة نكسن Nexen في الدمام) وبالتالي بتكلم عليه مع الناس وحكيت تجربتي الكويسة قدام الناس وعلى ال social media ودي نوع غير مباشر من الدعايا وكان وارد جدا يحصل العكس لو كان هو تعامل معايا بالعكس.
نفس الشئ عندنا في الصيدلية كل واحد هنشرح له ونفهمه ونخدمه مظبوط اكيد ال Word of mouth هتأثر عليك وهتخلي الناس تيجي لصيدليتك مخصوص علشان يأخذوا الخدمة اللي بيسمعوا عنها والعكس صحيح.
6⃣ الشرح اللي هتشرحه ده أو الخدمة اللي هتقدمها بالشكل ده هتمتص غضب كثير من الناس لو واحد جالك والعلاج مثلا لاقدر الله مجابش النتيجة المطلوبة ممكن يكون هو مستخدمهوش مظبوط أو فيه حاجة معينة جعلت العلاج مش فعال بنسبة 100% أو حتى الشخص محتاج علاج تاني خالص ساعتها المريض هيتفهم ده جدا وهيكون معاك في أي خطة بديلة أو نصائح بتعطيها له بحيث توصل بيه لأقصى فائدة بإذن الله.
7⃣ الشرح ده والخدمة دي هتقلل سوء استخدام أدوية كتيييير الناس في غنى عن أضرارها الجانبية.
● في الأول وفي الآخر الإنسان يبتغي وجه الله أولا في الخدمة اللي بيخدمها للناس وفي النصائح اللي بيقدمها ويعلم أن ربنا هيثيبه عليه ويجزيه خير الجزاء.
● من الناحية الطبية الخدمة دي لها فوائد عظيمة جدا لو قعدنا نشرحها مش هنخلص.
● من ناحية البزنس الموضوع هيعود عليك بفوائد كبيرة جدا جدا من أول البركة في الرزق لحد أن حجم البزنس بتاعك يكبر وربنا يفتح عليك من وسع.
نحن على ثغر يجب أن نكون على قدر المسؤولية
الله المستعان
بالتوفيق
ولمزيد من المعلومات المفيدة والممتعة يمكنكم متابعة الصفحة الرسمية
https://facebook.com/Dr-Moamen-Attya-1493741650946059/
ليست هناك تعليقات:
إرسال تعليق