(اوصف صح) الأدوية وأنيميا الفول
=====
في خلال الأسبوع اللي فات جالي أكثر من تليفون كلهم بيسألوا نفس السؤال
ومرة السؤال عن مسكن ومرة مضاد حيوي وثالثة دواء حساسية ورابعة شراب كحة وخامسة وسادسة
● المرض منتشر
● والأدوية كتير هنحفظها كلها ازاي؟
♡♡ ببساطة خالص♡♡
● شوف الجدول اللي انا باعت لك صورته ده واتصرف فيه بقى
تحفظه.. تفهمه.. تطبعه قدامك.. المهم تتصرف.
الجدول بسيط وهتلاقي اللي يهمك فيه حاجات بسيطة جدا سهل تفتكرها
●● أهم من الجدول✔✔ ●●
اللي عندي أهم من الجدول انك تفهم الكام ملحوظة الجايين دول علشان تبقى فاهم بتقول ايه:
1. هتلاقي في الجدول أدوية(اللي على الشمال) definite risk دي معناها أنها اكيد خطر ومينفعش تعطيها مطلقا.
2. هتلاقي في الجدول أدوية(اللي على اليمين) possible risk يعني الأدوية دي آمنة مادامت تؤخذ في الجرعات العادية
وركز الله يكرمك كويس قوي في كلمة مادامت تؤخذ في الجرعات العادية
● والمنظمات العالمية بتقول الجملة دي بالنص كده (ركز الله يكرمك كويس قوي في كلمة مادامت تؤخذ بالجرعات العادية) بس مش بيقولوا "الله يكرمك" 😃 الناس دي متعرفش ربنا ولا إيه 😂
[Most important phrase to note here is "in normal therapeutic doses."
3⃣ البروفين ibuprofen والبنادول paracetamol والأسبرين يعتبروا في البند رقم 2 اللي قلناه فوق ده
● اللي هم آمنين في الجرعات العادية علشان مش كل واحد يفتح موقع على النت ويقول لك شوف موقع معرفش ايه بيقول مينفعوش
حضرتك دلوقتي بعد فهم البند 2 تقدر تميز انهم مينفعوش في الجرعات الغير معتادة إنما آمنين في الجرعات المعتادة.
●● ركزتلي في الجدول ؟ ●●
خد بقى الكم حاجة دول مش هتلاقيهم في الجدول
1. طبعا احنا عارفين ان جميع البقوليات أو بمعنى أصح أي حاجة بتتفلق فلقتين متنفعش للمريض ده.
2. حنة الشعر وحنة الجسم (ايوة قرأتها صح متقلقش)
حنة الشعر وحنة الجسم اللي النساء بيستخدموها في عمل التاتوه متنفعش للمريض ده.
3. عندنا كم نوع قطرة عين وحبوب بتوع الجلوكوما في الصيدلية مينفعوش للمريض ده
• Dorzolamide eye drops
• Brinzolamide eye drops
• Acetazolamide tablets
4. كل يوم بيحصل جديد وأبحاث جديدة في عالم الأدوية والأمراض وده آخر تحديث حتى تاريخ هذا البوست لذلك لازم تتابع ال updates
*** علشان خاطري ***
خد من وقتك أقل من 4 دقائق وافتح اللينكين اللي تحت دول وشوف الموضوع بعد ماتبص على الجدول
وخليك عارف ان اللينك ده هو المعترف بيه المنظمة الرسمية في العالم المختصة في مرض G6PD
أتمنى يكون الموضوع مفيد
بالتوفيق
ولمزيد من المعلومات المفيدة والممتعة يمكنكم متابعة الصفحة الرسمية
ليست هناك تعليقات:
إرسال تعليق